Þetta lágkolvetna kökudeig er algjör unaður og um að gera að gera kúlur úr því í munnbitastærð og geyma í frystinum þegar að sykurþörfin gerir vart við sig.
Hráefni:
8 msk. mjúkt smjör
1/3 bolli ketóvænt sætuefni, til dæmis Swerve
½ tsk. vanilludropar
½ tsk. salt
2 bollar möndlumjöl
2/3 bolli sykurlaust, dökkt súkkulaði, grófsaxað
Aðferð:
Þeytið smjör þar til það er létt og ljóst. Bætið sætuefni, vanilludropum og salti saman við og þeytið vel. Blandið mjölinu varlega saman við og síðan súkkulaðibitunum. Setjið plastfilmu yfir skálina og setjið í ísskáp í 15 til 20 mínútur. Búið til litlar kúlur úr kökudeiginu og geymið þær í ísskáp þar sem þær geymast í viku, eða í frysti þar sem þær geymast í mánuð.
