Ofurfyrirsætan Miranda Kerr deilir því sem hún borðar yfir daginn í myndbandi á Facebook-síðu Harper‘s Bazaar.

„Eitt af mínum uppáhalds á morgnana er volgt vatn með sítrónu. Það er frábært til að koma meltingunni í gang og er stútfullt af C-vítamíni,“ segir Miranda og fer því næst í að búa til þeyting sem inniheldur til dæmis möndlumjólk, spínat og bláber.

Um miðmorgun býr Miranda til hollar pönnukökur úr eggjum, haframjöli og banana en í hádegismat er lax og salat. Kvöldmaturinn samanstendur síðan af kjúklingi sem er steiktur í ofni í sjö klukkutíma, sætkartöflumús og salati.