Það getur orðið ansi leiðigjarnt að borða sama morgunverðinn morgun eftir morgun. Því mælum við með þessari ljúffengu morgunverðarpítsu sem er algjörlega stórkostleg. Hægt er að búa botninn til deginum áður og raða síðan á hann um morguninn.
Hráefni:
1½ bolli ristaðar valhnetur
5 stórar döðlur án steins
3 bollar granola
3 msk. hunang
1½ bolli grísk jógúrt
½ tsk. vanilludropar
4 meðalstór jarðarber, skorin í þunnar sneiðar
¼ bolli bláber
½ bolli hindber
Aðferð:
Saxið valhneturnar í matvinnsluvél. Bætið döðlum saman við og blandið þar til blandan minnir á deig. Setjið blönduna í stóra skál og blandið granola saman við sem og 2 matskeiðum af hunangi. Klæðið bökunarform með smjörpappír og þrýstið blöndunni í botninn. Frystið í að minnsta kosti 30 mínútur. Blandið jógúrti við restina af hunangi og vanilludropa. Dreifið þessu yfir botninn og skreyið með berjum og jafnvel nokkrum söxuðum valhnetum.
