Matseðill þessa vikuna er stútufllur af litríkum og bragðmiklum réttum sem eiga pottþétt eftir að gera vikuna aðeins betri.
Uppskrift af Caramel Tinted Life
Hráefni – fiskur:
700 g hvítur fiskur
salt og pipar
1 stór rauðlaukur, skorinn í fernt
2,5 cm bútur af engiferi, saxaður
4–5 stórir hvítlauksgeirar, saxaðir
1 grænn chili pipar, saxaður
2 msk. grænmetisolía
300 g tómatar í dós
1 tsk. chili krydd
1½ tsk. túrmerik
250 ml kókosmjólk
smá tamarind
Aðferð:
Saltið og piprið fiskinn og setjið hann til hliðar. Blandið rauðlauk, engiferi, hvítlauk og grænum chili pipar saman í blandara þar til þetta minnir á mauk. Hitið olíu í pönnu yfir meðalhita. Setjið laukmaukið á pönnuna, hrærið vel í og hitið ínokkrar mínútur. Bætið chili kryddi og túrmeriki saman við og steikið í um mínútu. Bætið tómötum saman við og hrærið vel saman. Látið þetta malla í nokkrar mínútur. Blandið kókosmjólk við og blandið vel saman. Maukið með töfrasprota eða hellið sósunni í blandara til að mauka hana. Bætið smá tamarind saman við og saltið og piprið sósuna eftir smekk. Setjið fiskinn í sósuna á látið malla í 7 til 10 mínútur, eða þar til fiskurinn er eldaður. Berið strax fram.
Uppskrift af Delish
Hráefni – Mornay-sósa:
1 msk. smjör
1 msk. hveiti
2/3 bolli mjólk
¼ tsk. salt
¼ tsk. pipar
¼ bolli rifinn ostur
múskat á hnífsoddi
Hráefni – brauðið:
4 sneiðar brioche-brauð (eða annað brauð)
2 msk. mjúkt smjör
2 tsk. Dijon sinnep
½ bolli Mornay-sósa
6 þunnar sneiðar af skinku
1 bolli rifinn ostur
Hráefni – egg:
1 msk. smjör
2 stór egg
maldon salt
svartur pipar
Aðferð:
Hitið ofninn í 175°C. Byrjum á Mornay-sósunni. Bræðið smjörið í litlum potti yfir meðalhita. Bætið hveiti út í og hrærið í um 1 mínútu. Hrærð mjólkinni varlega saman við og bætið salti, pipari og múskati saman við. Náið upp suðu og hrærið stanslaust. Eldið þar til sósan þykknar, eða í um tvær mínútur. Takið af hitanum og blandið ostinum saman við. Látið kólna í 10 mínútur. Setjið brauðið saman. Ristið brauðið í stórri pönnu yfir meðalhita þar til það er gyllt. Setjið hálfa matskeið af smjöri á hverja sneið, snúið brauðinu síðan við og dreifið úr 1 matskeið af sinnepi og 1 msk af Mornay-sósu á tvær brauðsneiðar. Setjið 3 sneiðar af skinku og ¼ bolla af osti ofan á Mornay-sósuna og lokið samlokunum með hinum tveimru sneiðunum. Dreifið úr 2 matskeiðum af sósunni á toppnum á hvorri samloku og stráið restinni af ostinum ofan á. Setjið pönnuna í ofninn og bakið í 15 til 18 mínútur. Bræðið smjör í meðalstórri pönnu yfir meðalhita. Steikið eggin í um 3 mínútur, saltið og piprið og skreytið hvora samloku með eggi.
Uppskrift af Cooking Chat Food
Hráefni:
1 búnt aspas
1 msk. ólífuolía
1 msk. parmesan ostur
salt og pipar
340 g slaufupasta
¼ bolli pastavatn
3 msk. ólífuolía
¼ bolli parmesan ostur
2 sneiðar parmaskinka
1 msk. sítrónusafi
Aðferð:
Hitið ofninn í 200°C. Blandið aspas saman við 1 matskeið af olíu, salt og pipar og 1 matskeið af parmesan osti. Bakið aspasinn í 10 mínútur, hrærið aðeins í aspasinum og setjið í ofninn í aðrar 10 mínútur. Sjóðið pastað samkvæmt leiðbeiningum á pakka og haldið eftir ¼ bolla af pastavatninu. Hellið restinni af vatninu af pastanum og blandið strax saman við aspastinn, 3 matskeiðar af ólífuolíu, ¼ bolla af parmesan osti, parmaskinku og sítrónusafa. Berið strax fram.
Hráefni – súpa:
1 msk. ólífuolia
170 g laukur, smátt saxaður
1 brokkolíhaus, skorinn í bita
3 bollar grænmetissoð
70 g kasjúhnetur
2 msk. næringarger
¾ tsk. salt
Hráefni – hvítlauksolía:
1 hvítlauksgeiri, smátt saxaður
30 g valhnetur
30 g graskersfræ
1 msk. chia fræ
1 tsk. Nigella fræ
salt
Aðferð:
Setjið brokkolí í matvinnsluvél og saxið. Hitið 1 matskeið af olíu í potti yfir meðalhita og steikið laukinn þar til hann brúnast. Bætið brokkolí saman við og steikið í um 2 mínútur. Bætið grænmetissoði, kasjúhnetum, næringargeri og salti saman við og látið sjóða í súpunni yfir háum hita. Eldið í 3 mínútur. Setjið súpuna í blandar og maukið eða notið töfrasprota. Búið síðan til hvítlauksolíuna. Setjið olíu og hvítlauk í litla pönnu og steikið í um mínútu. Bætið valhnetum, fræjum og salti saman við og blandið vel saman. Steikið í 1 til 2 mínútur og passið ykkur að þetta brenni ekki við. Hitið súpuna aftur upp og skipti á milli skála. Skreytið með hvítlauksblöndunni og berið fram.
Uppskrift af Easy Chicken Recipes
Hráefni:
680 g kjúklingalæri, úrbeinuð
1 bolli hnetusmjör
1 bolli kókosmjólk
2 msk. sojasósa
1 msk. sæt sojasósa
½ msk. hvítlaukskrydd
½ msk. engiferkrydd
1 tsk. chili krydd
½ tsk. salt
2 súraldin
½ tsk. sesamfræ
1 msk. ferskt kóríander, saxað
½ tsk. chili flögur
Aðferð:
Skerið kjúklinginn í bita. Blandið hnetusmjöri, kókosmjólk, báðum sojasósunum, hvítlaukskryddi, engiferi, chili kryddi, salti og safa úr súraldinunum saman í skál. Blandið helmingnum að sósunni saman við kjúklingabitana. Nuddið kjúklingnum upp úr sósunni og látið marinerast í ísskáp í 3 klukkustundir. Hitið ofninn í 175°C. Þræðið kjúklingabitana á spjót og setjið smjörpappír á ofnplötu. Raðið kjúklingaspjótunum á plötuna og eldið í um 20 mínútur. Takið úr ofninum og stráið kóríander, sesamfræjum og chili flögum yfir. Berið strax fram með restinni af sósunni.
