Hver á ekki góðar æskuminningar af möndlukökunni? Ég ákvað að nota sama grunn og ég notaði í sítrónukökuna og reyna að endurgera möndlukökuna. Ég vissi strax að það myndi virka, en það er enginn munur á þessari og „venjulegri“ möndluköku, nema að ketó kakan ruglar ekki í blóðsykrinum.

Þessi kaka er alveg milljón og fékk mjög góða einkunn hjá nammigrísnum mínum. Þá er nú mikið sagt.

Möndlukaka

Kaka – Hráefni:

¼ bolli brætt smjör
1 tsk. möndludropar
¼ bolli 18% sýrður rjómi eða grísk jógúrt
2 egg
1/3 bolli fínmöluð sæta
2 bollar möndlumjöl
1 tsk. lyftiduft

Krem – Hráefni:

½ bolli fínmöluð sæta
2 msk. rjómi
¼ tsk. möndludropar
1 dropi rauður matarlitur

Aðferð:

Hitið ofninn í 175°C. Hrærið öllum hráefnum í kökuna saman og setjið í smurt álform, sem er sirka 10×20 sentímetra stórt. Bakið í 35 til 40 mínútur. Leyfið að kólna alveg. Búið síðan til krem. Blandið öllum hráefnum saman og hrærið í kreminu þar til það þykknar, en ekki of. Skreytið kökuna og verði ykkur að góðu.

Svo er ég með gjafaleik á Instagram þar sem ég ætla að gefa áhöld sem ég nota mikið í eldhúsinu – meira um hann hér:

 

View this post on Instagram

 

… nú ætla ég að henda í nýjan leik hér á instagram. Eins og kannski ekki hefur farið framhjá ykkur elska ég eldhúsið og þá er ekki verra að hafa fallegar og nytsamlegar græjur við hendina? … Ég hef fengið margar fyrirspurnir um hvar ég fæ mínar fínu græjur en þar sem ég fæ þær flestar í útlöndum hef ég ekki getað bent fólki á hvar nákvæmlega …þannig að nú ætla ég að gefa ykkur öllum tækifæri á að eignast sitt lítið af mínu uppáhalds? … það eina sem þið þurfið að gera er að læka myndina og segja mér í hvað þið mynduð nota þessar dýrindis græjur? … ekki væri verra ef þið deilduð færslunni meðal vina þar sem ég mun velja vinningshafa þegar 2000 fylgjendum er náð á síðunni… spennó much??????

A post shared by Halla Björg Björnsdóttir (@hallabb) on Mar 14, 2019 at 8:24am PDT