Það eru margir sem eru á ketó mataræðinu um þessar mundir en hér er á ferð ketóvæn útgáfa af vinsæla kexinu Oreo. Hittir beint í mark.
Kex – Hráefni:
3/4 bolli möndlumjöl
1/3 bolli kakó
1/3 bolli kornótt sætuefni
2 msk kókoshveiti
1 tsk salt
1/2 tsk lyftiduft
1/3 bolli grænmetisolía
1 stórt egg
1 tsk vanilludropar
Fylling – Hráefni:
115 g mjúkt smjör
3/4 bolli sætuefni í duftformi
1 tsk vanilludropar
smá salt
Aðferð:
Blandið möndlumjöli, kakói, sætuefni, kókoshveiti, salti og lyftidufti saman í skál. Bætið eggi, olíu og vanilludropum saman við og blandið öllu vel saman. Vefjið deigið inn í plastfilmu og kælið í um 2 klukkustundir. Hitið ofninn í 175°C og setjið smjörpappír á ofnplötur. Dustið borðflöt með kakói og fletjið deigið út. Skerið út hringlaga kökur. Raðið kökunum á ofnplöturnar og bakið í 14 til 16 mínútur. Leyfið kökunum að kólna alveg. Þeytið smjörið þar til það er létt og ljóst. Bætið sætuefni saman við og þeytið vel. Síðan bætið þið vanilludropum og salti saman við og hrærið vel. Setjið krem á annan helminginn af kökunum og lokið með hinum helmingnum.
