Ketó-mataræðið er búið að slá rækilega í gegn, en hér er uppskrift að frábæru meðlæti sem hentar mjög vel með morgunmat eða dögurði.
Hráefni:
2 stór egg
1/2 tsk. hvítlaukskrydd
1/2 tsk. salt
svartur pipar
2 bollar hvítkál, rifið
1/2 lítill laukur, skorinn þunnt
1 msk. grænmetisolía
Aðferð:
Blandið eggjum, hvítlaukskryddi, salti og smá pipar vel saman í skál. Bætið káli og lauk saman við og blandið saman. Hitið olíuna í stórri pönnu yfir meðalhita. Skiptið blöndunni í fjóra klatta á pönnunni og þrýstið niður með spaða. Steikið í um 3 mínútur á hvorri hlið.
