Þetta salat er dásamlega gott, hvort sem það er ofan á brauð, sem meðlæti á kvöldverðarborðinu eða bara eitt og sér. Algjör dásemd!
Hráefni:
6 soðin egg
1 lárpera
1 msk. nýkreistur sítrónusafi
½ tsk. salt
¼ tsk. pipar
2 msk. ferskar kryddjurtir, saxaðar (til dæmis dill, kóríander eða basil)
1 msk. rauðlaukur, smátt saxaður
2 msk. mæjónes
1 tsk. Dijon sinnep
Aðferð:
Maukið lárperuna í meðalstórri skál með sítrónusafa, salti, pipar, kryddjurtum, lauk, mæjónes og sinnepi. Skerið eggin í litla bita og hrærið þeim saman við. Berið strax fram og fallegt er að skreyta salatið með lárperusneiðum.
