Ketó-mataræðið nýtur gríðarlegra vinsælda, en það felst í því að borða lítið af kolvetnum en mikið af fitu og próteini. Hér er á ferð fullkominn morgunmatur fyrir ketó-liða sem krefst lágmarks fyrirhafnar.
Hráefni:
12 skinkusneiðar
1 bolli rifinn cheddar ostur
12 stór egg
salt og pipar
fersk steinselja, söxuð
Aðferð:
Hitið ofninn í 200°C og smyrjið bollakökumót með tólf hólfum. Setjið eina skinkusneið í hvert hólf og drissið cheddar osti ofan á. Brjótið egg í hvert hólf og kryddið með salti og pipar. Bakið í 12 til 15 mínútur og skreytið með steinselju áður en bollarnir eru bornir fram.
