Það er ofureinfalt að útbúa þessa nautakássu, en að sjálfsögðu er hægt að skipta nautakjöti út fyrir eitthvað annað. Virkilega góð og holl máltíð sem yljar manni þegar að úti frýs.
Hráefni:
1 msk. grænmetisolía
1 kg nautakjöt, skorið í bita
1 msk. ólífuolía
1 laukur, saxaður
2 gulrætur, skornar í bita
2 sellerístilkar, skornir í bita
salt og pipar
3 hvítlauksgeirar, smátt saxaðir
1/4 bolli tómatpúrra
6 bollar nautasoð
1 bolli rauðvín
1 msk. Worcestershire-sósa
1 tsk. timjan
2 lárviðarlauf
500 g litlar kartöflur, skornar í bita
1 bolli frosnar baunir
1/4 bolli steinselja, söxuð (til skreytingar)
Aðferð:
Hitið olíur í stórum potti yfir meðalhita. Bætið nautakjötinu út í og steikið í 10 mínútur. Setjið kjötið á disk og setjið til hliðar. Steikið lauk, gulrætur og sellerí í sama potti í um fimm mínútur. Kryddið með salti og pipar. Bætið hvítlauk og tómatpúrru út í og eldið í um 2 mínútur til viðbótar. Setjið kjötið aftur í pottinn, sem og soð, vín, Worcestershire-sósu, timjan og lárviðarlauf. Náið upp suðu, lækkið síðan hitann og látið malla. Kryddið með salti og pipar, setjið lokið á pottinn og látið malla í hálftíma. Bætið kartöflum út í, setjið lokið á og látið malla í 15 mínútur. Fjarlægið lárviðarlaufin, hrærið baunum saman við og eldið í 2 mínútur til viðbótar. Skreytið með steinselju og berið fram.
