Það getur reynt á þolinmæðina og sköpunargáfuna að finna eitthvað til að elda á hverju einasta kvöldi vikunnar. Því bryddum við hér upp á vikumatseðli sem gæti kannski létt einhverjum lífið þarna úti.
Hér á eftir fylgir einn réttur fyrir hvern virkan dag, en við sleppum því að blása fólki innblástur með helgarmatinn þar sem meira rými gefst um helgar til að leika sér í eldhúsinu – nú eða bara gera vel við sig á veitingastöðum landsins.
Hráefni:
4 laxaflök
2 msk sojasósa
1 tsk sesamolía
1 msk hvítlaukur, saxaður
1 tsk engifer, saxað
½ bolli barbikjúsósa að eigin vali
saxaður vorlaukur
sesamfræ
Aðferð:
Hitið ofninn í 200°C og takið til ofnplötu. Smyrjið hana með olíu. Blandið sojasósu, sesamolíu, hvítlauk og engifer saman í lítilli skál. Raðið laxaflökunum á ofnplötuna og smyrjið sósunni yfir flökin. Bakið flökin í 15 mínútur. Takið plötuna úr ofninum, ausið barbikjúsósunni yfir flökin og bakið í 5 mínútur til viðbótar. Takið plötuna úr ofninum, skreytið laxinn með vorlauk og sesamfræjum og berið fram, jafnvel með hrísgrjónum eða salati.
Hráefni:
800 g saxaðir tómatar í dós
800 g ferskir, saxaðir tómatar
1 msk hvítlaukur, saxaður
2 bollar kjúklingasoð
2 msk sykur
75 g smjör
1 bolli rjómi
15-20 basillauf
Aðferð:
Takið til stóran pott og blandið saman tómötum, soði og hvítlauk. Látið suðu koma upp í blöndunni og látið malla í 10 mínútur á meðalhita. Lækkið hitann lítið eitt og hrærið sykri og smjöri saman við þar til smjörið er bráðnað og allt blandað vel saman. Hellið rjómanum varlega saman við á meðan þið hrærið þar til allt hefur blandast vel saman. Hrærið basillaufunum saman við. Berið súpuna fram, jafnvel með smá pestói og rifnum parmesan osti.
Uppskrift frá: Vegan Family Recipes
Hráefni:
4 msk ólífuolía
1 meðalstór laukur, saxaður
4 hvítlauksgeirar, saxaðir
1 meðalstór sætkartafla, afhýðuð og skorin í teninga
1 meðalstór kúrbítur, afhýddur og skorinn í teninga
1 dós maískorn
10 kirsuberjatómatar, skornir í fernt hver
250 g risottó hrísgrjón
½ bolli tómatpúrra
600 ml grænmetissoð
2 msk þurrkaðar kryddjurtir eða ½ bolli ferskar kryddjurtir, til dæmis steinselja, kóríander og basil
Salt og pipar eftir smekk
Nýkreistur sítrónusafi eftir smekk, ef vill
Aðferð:
Takið til stóra pönnu og hitið olíu í henni yfir meðalhita. Steikið laukinn með smá salti þar til hann er gagnsær. Bætið síðan hvítlauk út í og steikið í 1-2 mínútur til viðbótar. Bætið sætum kartöflum, kúrbít, maískornum og tómötum út í og steikið í 2 mínútur. Bætið hrísgrjónum og tómatpúrru út í og hrærið síðan grænmetissoðinu varlega saman við án þess að hræra. Drissið kryddjurtum og pipar yfir og leyfið þessu að malla á lágum hita í 20 mínútur. Paellan er tilbúin þegar grjónin eru búin að taka í sig vökvann. Kreistið sítrónusafa yfir réttinn og berið fram. Þessi uppskrift er ekki heilög og um að gera að nota bara það grænmeti sem finnst í ísskápnum.
Hráefni:
Tortilla-pönnukökur
Cheddar ostur, eða annar rifinn ostur
Eldaður kjúklingur, eða annað kjöt
Pönnusteiktur laukur, saxaður
Pönnusteikt paprika, söxuð
Soðin hrísgrjón
Salsa sósa
Aðferð:
Hitið ofninn í 190°C og setjið álpappír á ofnplötu. Smyrjið álpappírinn með ólífuolíu eða annarri olíu. Raðið pönnukökunum á ofnplötuna og drissið ost yfir þær. Setjið síðan kjúkling, grænmeti og salsa sósu yfir ostinn og drissið meiri ost yfir. Setjið aðra pönnuköku yfir fyllinguna og penslið toppinn með smá ólífuolíu. Bakið herlegheitin í 7 til 10 mínútur, eða þar til osturinn er bráðinn. Leyfið kökunum að kólna lítið eitt og skerið hverja köku í 4 hluta með pítsaskera og berið fram með sósu að eigin vali.
Hraéfni:
4 msk ólífuolía
115 g beikon
1 bolli portobello sveppir, smátt saxaðir
5 hvítlauksgeirar, smátt saxaðir
1 meðalstór laukur, smátt saxaður
2 stórar gulrætur, smátt saxaðar
6 sellerístilkar, smátt saxaðir
1 kg nautahakk, eða annað hakk
Salt og pipar
1 tsk chili-flögur, ef vill
¼ bolli tómatpúrra
2 bollar rauðvín
2 bollar kjúklingasoð
1 bolli mjólk
800 g saxaðir tómatar í dós
Rifinn parmesan ostur eftir smekk
2 msk ferskt basil, saxað
2 msk ferskt timían, saxað
450 g spagettí
Aðferð:
Takið til stóran pott og hitið 2 matskeiðar af olíu yfir meðalhita. Bætið beikoni, sveppum, hvítlauk, lauk og gulrótum í pottinn og eldið í um 20 mínútur, eða þar til beikonið tekur lit og grænmetið mýkist. Takið til annan stóran pott og hitið 2 matskeiðar af olíu yfir meðalhita. Bætið kjötinu í pottinn og eldið þar til hakkið hefur brúnast, eða í um 20 til 30 mínútur. Saltið og piprið og bætið chili-flögum út í ef vill. Bætið tómatpúrru út í kjötið og steikið í 5 mínútur til viðbótar.
Bætið 1 bolla af rauðvíni út í fyrri pottinn með grænmeti og beikoni og færið síðan blönduna yfir í pottinn með hakkinu. Blandið hinum bollanum af rauðvíni saman við og leyfið þessu að malla í um 10 mínútur. Bætið kjúklingasoði, mjólk, tómötum og parmesan osti saman við og látið malla á lágum hita í 2 klukkutíma og hrærið í blöndunni við og við.
Blandið basil og timían saman við og sjóðið pastað eftir leiðbeiningum í öðrum potti. Setjið pastað síðan út í sósuna, geymið samt pasta vatnið, og látið malla í 2 mínútur til viðbótar. Bætið smá pasta vatni út í ef þörf er á. Berið fram og skreytið jafnvel með parmesan osti, basil og smá ólífuolíu.
