Við rákumst á uppskrift að trufflu súkkulaðiköku á Facebook-síðu merkisins Nicolas Vahé á Íslandi og bara urðum að fá leyfi til að birta hana. Þessi er ólýsanlega girnileg.
Hráefni:
175 g Nicolas Vahé súkkulaði trufflur / „lakkrís“
175 g smjör
175 g Nicolas Vahé sykur „salt karamellu“
7 eggjarauður
4,5 eggjahvítur
20 g mjúkt smjör
10 g sykur
20 g kakó
Aðferð:
Bræðið 175 g af smjöri og súkkulaði í skál yfir potti með heitu vatni. Blandið 2/3 af sykrinum út í eggjarauðurnar og þeytið þar til blandan er orðin hvít á lit. Þeytið eggjahvítur í annarri skál þar til þar eru orðnar stífar. Bætið sykri út í smátt og smátt í einu. Blandaðu súkkulaðinu varlega út í þeyttu eggjarauðurnar. Síðan er eggjahvítunum bandað rólega saman við og hrært varlega þar til allt blandast saman.
Smyrjið hringlótt bökunarform með smjöri. Hristið smá sykur yfir og hvolfið forminu þannig að umfram sykur hrynji úr. Þetta gerir það að verkum að það er auðveldara að losa kökuna úr forminu. Setjið helminginn af blöndunni í bökunarformið og bakið í ofni við 175 ° C í u.þ.b. 30 mínútur. Setjið hinn helminginn af blöndunni í kæli.
Fjarlægðu köku úr ofninum þó hún líti ekki út fyrir að vera tilbúin. Þegar þú fjarlægir kökuna úr ofninum þá mun kakan falla en það er eðlilegt. Látið kökuna kólna í kæli.
Setjið restina af blöndunni yfir kökuna og dreifið jafnt út. Setjið kökuna í kæli í nokkrar klukkustundir eða yfir nótt. Losið kökuna úr forminu og setjið á disk. Dustið örlitlu kakói eða flórsykri yfir og berið fram með berjum og ef til vill þeyttum rjóma eða vanilluís.
Tími: 60 mínútur. Fyrir 6 manns.
