Nutrilenk Gold hefur hjálpað þúsundum Íslendinga sem þjást hafa af liðeymslum, stirðleika eða braki í liðum. Það er unnið úr sérvöldum fiskbeinum, aðallega úr hákörlum, sem eru rík af kondróitíni, kollageni og kalki, og hefur reynslan sýnt að það hefur hjálpað fjölmörgum sem finna fyrir eymslum í liðum, þá sérstaklega hnjám og mjöðmum.
Nutrilenk Gold hentar vel ef brjósk hefur orðið fyrir hnjaski og með reglulegri inntöku er hægt að viðhalda árangrinum. Grundvallaratriði er þó að brjóskeyðing sé ekki alger.
Mælir eindregið með Nutrilenk
Aron Gauti er 26 ára og uppalinn í Kópavogi. Hann hefur æft handbolta frá unga aldri og spilað með helstu handboltafélögum landsins, þar á meðal ÍBV, Haukum og Fram, en í dag spilar hann fyrir HK og gengur vel.
„Í gegnum þennan „stutta“ afreksíþróttaferil hef ég þó lent í ýmsum meiðslum og aðgerðum, til að mynda ökklabroti, ristarbroti, liðþófaaðgerðum og brjóskaðgerðum í hné. Ég hef fundið fyrir miklum eymslum og kvillum í hnénu síðan ég reif liðþófa í fyrsta skipti,“ greinir Aron Gauti frá.
Hann byrjaði að nota Nutrilenk eftir að hafa brotnað á rist fyrir sex árum síðan og tekur inn tvær til þrjár töflur á dag.
„Það hefur hentað mér gríðarlega vel. Síðan hef ég tekið inn bætiefnið með hléum en ég legg mikla áherslu á inntökuna samhliða endurhæfingu. Þegar ég hef gert hlé á inntöku Nutrilenk finn ég þvílíkan mun og eymslin og kvillarnir sem hafa verið að hrjá mig koma aftur í ljós,“ segir Aron Gauti og heldur áfram:
„Að mínu mati finnst mér Nutrilenk Gold hafa hjálpað mér með endurheimt eftir mikið álag á æfingum. Ég finn gríðarlegan mun á liðum og beinum eftir að ég byrjaði að taka Nutrilenk Gold og mæli eindregið með því fyrir unga sem aldna sem hafa eða finna fyrir eymslum í liðum og beinum.“
Byggingarefni brjóskvefs
Helstu innihaldsefnin í Nutrilenk Gold er kondróitín og kalk en til að gera þessi innihaldsefni eins virk og kostur er eru þau meðhöndlað með ensími (hvata) sem smækkar stóru mólekúlin og gerir þau frásogunarhæf og virk sem byggingarefni fyrir brjóskvef. Að auki inniheldur Nutrilenk Gold C-vítamín, sem hvetur eðlilega myndun kollagens sem er nauðsynlegt til að viðhalda brjóski, D-vítamín og mangan.
