Cafe Loki: Spennandi aðventuplatti á bæjarröltinu

Café Loki er til húsa efst á Skólavörðuholtinu, á Lokastíg 28, en úr salnum er gott útsýni yfir að Hallgrímskirkju, einu helsta kennileiti Reykjavíkur fyrir erlenda ferðamenn. Café Loki er líka í vissum skilningi ákaflega íslenskur staður og hefur upp á nákvæmlega það að bjóða sem margir sækjast eftir: ekta íslenskan mat. Kjötsúpan þar er margrómuð og rúgbrauðið er að sjálfsögðu heimabakað eins og flest annað.

Loki er vinsæll meðal þeirra sem gjarnan vilja borða ekta íslenskan heimilismat af fágætum gæðum. Aðventuplatti á Café Loka hefur ýmis ljúffeng sérkenni og er skemmtileg upplifun. Þar er því besta tjaldað til úr eldhúsinu og mikil metnaður lagður að gestir fari sáttir og ánægðir frá borði. Þar er að finna margrómaða taðreyktan silung að norðan, appelsínusíld, hangikjötstartar ásamt mörgu öðru góðgæti. 

Jólasælgæti
Annað sælgæti á jólamatseðlinum sem margir gestir koma aftur og aftur til að njóta er heimalagaða síldin sem borðuð er með nýbökuðu, íslensku rúgbrauði. Það sama má segja um rúgbrauðsísinn sem borinn er fram á rúgbrauði, en rjómi og síróp ofan á.

Listamennirnir Sigurð Valur Sigurðsson og Raffaela teiknuðu og máluðu glæsilegar veggmynd í matsalnum úr Ragnarökum og fleiri sögum úr norrænu goðafræðinni, þar sem meðal annars koma við sögu æsirnir Baldur, Freyja og Loki. Þar með eru tengdar saman göturnar í nágrenninu, Lokastígur, Baldursgata og Freyjugata.

Andrúmsloftið á Loka getur verið afar fjölbreytt því þangað leita jafnt Íslendingar sem útlendir ferðamenn til að njóta íslenskrar matarmenningar. Íslendingar koma einnig gjarnan með erlenda gesti með sér á staðinn.

Drykkjaúrvalið með jólaréttunum er einnig afar íslenskt: íslenskt brennivín og ákavíti og íslenskur bjór., þar á meðal bjórinn Loki sem er sérmerktur fyrir Café Loka.