Rúmföt.is er ný rúmfataverslun við Nýbýlaveg 28 í Kópavogi. Verslunin sérhæfir sig í hágæða lúxusrúmfötum á góðu verði.
„Allir eiga skilið að sofa í meiriháttar rúmfötum úr allra bestu satín- og silkidamaskefnum sem til eru,“ segir Björn Þór Heiðdal verslunarstjóri. „Við seljum tilbúin rúmföt meðal annars frá Ítalíu og Kína. Einnig flytjum við inn efni til að sauma úr. En við erum með æðislega saumakonu sem saumaði
meðal annars fyrir Fatabúðina.“
Það má segja að Rúmföt.is sé arftaki Versins og Fatabúðarinnar að einhverju leyti. Eða eins og Björn orðar það: „Þegar þessar tvær rúmfatabúðir hættu starfsemi var erfitt fyrir fólk að fá gæða rúmföt á Íslandi. Ég hef starfað í Þvottahúsi A. Smith sem afi minn, Adolf Smith, stofnaði frá því ég man eftir mér og meðhöndlað rúmföt. Þess vegna veit ég hvernig góð rúmföt eiga að vera.“
Rúmföt.is selur meðal annars vörur frá Quagliotti á Ítalíu sem vefur dúka og sængurföt fyrir bresku konungsfjölskylduna og mörg af flottustu lúxushótelum í heimi, sem dæmi má nefna The Mark í New York, MGM í Macau, Armani í Mílanó og 101 Reykjavík.
Það er tilvalið að kíkja í Rúmföt.is og velja sér hágæða rúmföt handa sér og sínum nánustu.
Rúmföt.is er á Nýbýlavegi 28, Kópavogi, síminn er 565-1025 og netfangið rumfot@rumfot.is.
Verslunin er opin kl. 12–18 virka daga og kl. 11–15 um helgar.
Heimasíðan er rumfot.is.
