American Bar, Austurstræti 8, er einn flottasti sportbar landsins, þar sem hægt er að fylgjast með spennandi íþróttaviðburðum á flatskjáum og breiðtjaldi, borða frábæran mat og njóta sín í lifandi umhverfi. Reglulega troða upp reyndir og flinkir trúbadorar sem koma öllum í rétta stemningu með spennandi lagavali og kraftmiklum flutningi. Eftir miðnætti um helgar mæta síðan plötusnúðar til leiks og tryggja dúndrandi stemningu fram eftir nóttu.
Enski boltinn er fyrirferðarmikill á skjáum á American Bar en þar eru líka sýndir leikir í amerísku NFL-deildinni og ýmsir aðrir íþróttaviðburðir.

Umhverfi á American Bar er sérlega skemmtilegt en þar má sjá ýmsa forvitnilega ameríska hluti, til dæmis bandaríska fánann frá árinu 1930, sem hangir á vegg, 70 ára gamlan uppstoppaðan svartbjörn og NFL-hjálma frá öllum liðunum í deildinni, en þeir prýða veggi staðarins.

Maturinn á American Bar er afar girnilegar. Meðal annars er boðið upp á hamborgara, barbecue-rif, kjúklingavængi og Cesar-salat.

Úrval af drykkjum á barnum er síðan framúrskarandi en „drekkutíminn“ – Happy Hour – er alla daga frá kl. 16 til 19.

Á Facebook-síðu American Bar er gott að fylgjast með því sem er í gangi á staðnum. Þar eru reglulega uppfærðar upplýsingar um dagskrá framundan, íþróttaviðburði á skjánum og tónlistaratriði á staðnum. Auk þess er þar að finna reglulega spennandi tilboð í mat og drykk.

American Bar er opinn mánudaga til fimmtudaga frá 11 til 01 eftir miðnætti, föstudaga og laugardaga frá 11 til 04.30, og loks sunnudaga frá 11 til 01.