Hugmyndafræðin á bak við Bast er að bjóða upp á alls konar vörur sem tilheyra lífsstíl og heimili. Verslunin er staðsett á fyrstu hæð Kringlunnar, skammt frá Kaffitári og Hagkaupum. Heimilisvörur og búsáhöld eru mest áberandi í versluninni en einnig er þar til sölu mikið úrval fylgihluta og skartgripa frá Tosh og Uniform-peysur sem eru íslensk hönnun og að fullu framleiddar á Íslandi. Þessi samsetning er kannski óvenjuleg en þó engin tilviljun heldur endurspeglar hún það andrúmsloft sem Bast vill skapa og snýst um lífsstíl.
Bast býður upp á heimilis- og gjafavörur undir þekktum gæðamerkjum. Má þar nefna A Simply Mess, sem framleiðir gjafavörur fyrir heimilið en nafnið segir mikið um hvernig hönnuðurinn lítur til heimilisins: Hann sér það sem vettvang fyrir skapandi fólk. Enn fremur má nefna Bitz-borðbúnað, Södahl-rúmföt, Holms, DW Home og Vera Home-kerti og Peyrex-hægeldunarpotta.
Eitt af því vinsælasta í Bast eru Moscow Mule-bollarnir. Þá er gaman að segja frá hinni geysivinsælu pönnu sem einfaldar eldun á pokaeggjum til að gera réttinn gómsætan, Eggs Benedict.
Í Bast er mikið úrval af tækifærisgjöfum, meðal annars súkkulaði sem með fylgja skemmtilegar orðsendingar. Einnig eru til sölu pottaplöntur sem eru mjög vinsælar núna og gaman að lífga upp á heimilið í skammdeginu með grænum plöntum.
Góð þjónusta, breitt vöruúrval og sanngjarnt verð eru á meðal þess sem einkennir Bast. Ávallt er eitthvað nýtt og spennandi á döfinni. Fram til 15. janúar er 20% afsláttur af öllum vörum. Margt spennandi er framundan, til dæmis opnar Bast vefverslun í febrúar. Allar nýjungar eru tilkynntar á Facebook-síðu Bast.
Hjá Bast færðu ýmiss konar tækifærisgjafir, brúðargjafir og afmælisgjafir, og margt til að prýða heimilið, til dæmis púða, kerti og servíettur – að ógleymdum viskustykkjunum og hekluðu borðtuskunum, en hvort tveggja hefur ávallt notið mikilla vinsælda.
Bast tekur inn nýjar vörur að minnsta kosti tvisvar í viku. Þess vegna er ávallt eitthvað nýtt og spennandi til að skoða. Fylgstu með á Facebook-síðu Bast.
