„Ég kom til Íslands árið 2000 með 50 dollara og eina samloku í vasanum. Ég þekkti ekki nokkurn mann hérna, kunni bara 25 orð í ensku og vissi ekki hvort ég ætti að fara til hægri eða vinstri til að komast út úr flugvélinni,“ segir Litháinn Darius Kochanas, en mikið vatn hefur runnið til sjávar síðan hann kom allslaus til landsins. Í dag rekur afar Darius blómlegt bygginga- og viðhaldsþjónustufyrirtæki, Hús og Mál, sem sinnir jöfnum höndum húsaviðgerðum, nýbyggingum, gluggaviðgerðum og parketlagningu.
Það síðastnefnda, parketlagning, er einmitt sérsvið Dariusar, en fljótlega eftir komuna til Íslands hóf hann störf við það hjá Parketverki sf. Árið 2004 og stofnaði hann síðan Hús og Mál en í dag starfa að jafnaði um sjö manns hjá fyrirtækinu og veita bæði einstaklingum og fyrirtækjum fjölbreytta, trausta og fagmannlega þjónustu.
„Fagmenn okkar geta endurnýjað húsið, heimilið, skrifstofuna, vinnustaðinn eða sumarbústaðinn og nota við vinnu sína aðeins bestu fáanleg efni. Hús og Mál framkvæmir alla byggingarvinnu í samvinnu við reynslumikla iðnaðarmenn. Við bjóðum upp á þjónustu á mörgum sviðum, til dæmis alla málningarvinnu, inni og úti, endurnýjun og einangrun, flísalögn, hurðaísetningu, lagningu timburgólfa og parkets, gólfdúka og klæðninga. Við smíðum létta veggi, sjáum um veggfóðrun og sinnum ýmiss konar frágangi,“ segir Daríus.
Hús og Mál leggur mikið upp úr faglegri ráðgjöf og leitast ávallt við að benda viðskiptavinum á bestu lausnirnar, þeim að kostnaðarlausu.
Senn rennur upp sá árstími að margir fara að sinna viðhaldi húseigna sinna. Viðhaldsþjónusta hjá Hús og Mál er í höndum reynslumikilla byggingasérfræðinga. Sérfræðingarnir hjá Hús og Mál hafa gert upp, endurnýjað og málað hinar ýmsu byggingar bæði erlendis og hérlendis og má þar nefna kvikmyndahús, háskóla, söfn og kirkjur – fyrir utan fjölbýlishús og einbýlishús.
Hús og Mál sinnir jafnt litlum sem stórum verkefnum. Til að fá nánari upplýsingar eða panta verk skaltu hringja í síma 778-7688. Nánari upplýsingar er einnig að finna á vefsíðunni husogmál.is.
Við spyrjum Darius að því í lokin hvort hann sé ekki glaður þegar hann lítur yfir farinn veg, frá því hann kom allslaus til Íslands árið 2000 og til dagsins í dag þegar hann rekur blómlegt bygginga- og viðhaldsfyrirtæki, og hann svarar: „Já, ég elska Ísland og Ísland er orðið föðurland mitt miklu frekar en Litháen.“
