Bíl-Pro er löggilt verkstæði á sviði bílaréttinga og bílamálunar og veitir bíleigendum sem lenda í árekstri ákaflega faglega, þægilega og heildstæða þjónustu. Þeir rétta og sprauta allar tegundir bíla. Bíl-Pro er með samstarfssamninga við öll tryggingafélögin og notast við Cabas-tjónamatskerfi sem er tengt miðlægum gagnagrunni allra tryggingafélaga. Þeir vinna ávallt eftir viðgerðaleiðbeiningum framleiðanda og til þess að ökutækið sem lent hefur í tjóni verður jafngott og það var fyrir árekstur.

Ferlið hefst með því að bíleigandi hefur samband í síma 555 1260 eða á vefsíðunni bilpro.is. Síðan kemur hann með bílinn á staðinn og tjónið er metið og gefinn tími fyrir viðgerð. Tjónamatið gengur hratt og örugglega fyrir sig og ekki þarf að bóka tíma í það. Bíl-Pro er staðsett í alfaraleið, að Viðarhöfða 6, 110 Reykjavík. Bíl-Pro útvegar bíleigandanum bílaleigubíl til afnota á meðan viðgerð stendur yfir ef fólk kýs það. Þar af leiðandi þarftu eingöngu að koma til Bíl-Pro og sjá þeir um allt ferlið frá upphafi til enda. Viðgerðir felast í bílasprautun, réttingum, plastviðgerðum, framrúðuskiptum og fleiru – allt eftir eðli tjónsins. Viðgerðartími er í flestum tilvikum 3-5 virkir dagar en getur lengst ef tjónið er mikið.

Í Bíl-Pro eru starfsmenn fjórir talsins í fullu starfi á verkstæðinu og búa yfir mikilli þekkingu og áratuga reynslu. Annar eigandinn, Eiður Már Guðbergsson, er með meistarabréf í bæði bifreiðasmíði og bílamálun, hinn eigandinn, Þröstur Jarl Sveinsson, er meistari í bifreiðasmíði. Starfsmaður á verkstæðinu er með sveinsbréf í bílamálun og annar starfsmaður er nemi í bifreiðasmíði. Auk þess sækja þeir allir endurmenntunarnámskeið reglulega hérlendis sem erlendis, þannig að símenntun er hluti af starfinu.

Fyrir utan fagþekkingu og fyrsta flokks vinnubrögð notast Bíl-Pro eingöngu við besta mögulega búnað og efni. Við bílasprautun er notaður fullkominn sprautuklefi og umhverfisvænt bílalakk frá þýska gæðamerkinu Spies-Hecker sem er með því fremsta á markaðinum í dag. Einnig er notast við sérstakan skanna sem finnur rétta litinn á bílinn. Til réttinga er notast við réttingabekk frá Celette sem er með tölvumælingu.

Ennfremur notast fagmennirnir hjá Bíl-Pro við bestu suðugræjurnar á markaðinum í dag, punktsuðuvélar, álsuðuvélar og koparsuðuvélar. Fólk vill helst fá bílinn sinn betri til baka en hann var fyrir tjónið og þeir fjórmenningar tryggja að svo verði. Fagmennska í fyrirrúmi og áhersla á fljótlega og góða þjónustu.

Sem fyrr segir er Bíl-Pro til húsa að Viðarhöfða 6. Opið er virka daga frá kl. 8 til 17. Nánari upplýsingar má nálgast á bilpro.is og á Facebook-síðu fyrirtæksins.