Samkvæmt nýrri langtímarannsókn er áfengi mikilvægara en líkamsrækt, það er að segja ef þú vilt lifa fram yfir nírætt.

Rannsóknina leiddi taugasérfræðingurinn Claudia Kawas við Kaliforníuháskóla og þáttakendur voru 1700 einstaklingar sem komnir voru á tíræðisaldurinn. Rannsóknin hófst árið 2003 og markmiðið var að kanna hvaða áhrif dagleg hegðun hefði á langlífi.

Rannsakendur fundu út að þeir einstaklingar sem drukku tvö glös af bjór eða víni á dag voru 18% líklegri til að lifa lengur en hinir sem ekki neyttu áfengis.

Hjá þeim þáttakendum sem æfðu 15-45 mínútur á dag voru líkurnar hins vegar 11%

„Ég kann enga skýringu á þessu, en ég trúi staðfastlega að dagleg drykkja í hófi stuðli að langlífi,“ segir Kawas á ráðstefnu American Association for the Advancement of Science annual conference sem haldin var í Austin Texas síðustu helgi.

Aðrir þættir hafa einnig áhrif á langlífi, þar á meðal þyngd. Þáttakendur sem voru aðeins í yfirþyngd, voru 3% líklegri til lifa lengur.

„Það er ekki slæmt að vera grannur þegar þú ert ungur, en það er slæmt að vera of grannur þegar þú ert gamall,“ segir Kawas.

Þeir sem stunduðu áhugamál tvo klukkutíma á dag áttu 21% meiri líkur á að lifa lengur en hinir, meðan þeir sem drukku tvo kaffibolla á dag áttu 10% meiri líkur.

Frekari rannsókna er hins vegar þörf á til að kanna hvort að venjur fólks bætti lífslíkur þeirra fram yfir genasamsetningu þeirra.

Myndbandið má sjá hér