Tan Reykjavík – Náttúrulegar vörur sem gefa húðinni raka og næringu
Alexandra Ýr Þorsteinsdóttir opnaði Tan Reykjavík, spraytan stofu í Holtagörðum fyrir tveimur árum. Einnig rekur hún verslun á sama stað og vefverslunina tan.is.
„Þetta er hugmynd sem ég fékk út frá öðrum skandinavískum módelum,“ segir Alexandra. „Ég var sjálf hætt að fara í ljós og byrjuð að nota brúnkukrem. Ég sá þetta í Danmörku og Svíþjóð þar sem það er mjög vinsælt, fannst þetta frábær hugmynd og vanta alveg hér heima.“
Viðbrögðin hafa verið gríðarlega góð og alltaf fullbókað. Viðskiptavinir eru af báðum kynjum og á öllum aldri, sú elsta er 82 ára. Aldurstakmark er við fermingu. „Þetta er orðið mjög vinsælt hjá öllum hópum, þó að það hafi verið nær eingöngu konur hjá okkur fyrst.“
En af hverju er fólk að fara í spray tan? „Fólk er orðið meðvitaðra um hversu óhollt er að fara í ljós og velur þessa leið frekar. Sumir koma af ákveðnu tilefni, eins og til dæmis árshátíð eða eru að fara til útlanda og vilja fá smá brúnku áður en þeir fara út,“ segir Alexandra. „Flestir eru þó fastir viðskiptavinir sem koma einu sinni í viku.
Við erum einnig mjög samkeppnishæf hvað verð varðar, en hver tími kostar 2.990 krónur meðan ljósatími kostar um 1.500–2.000 krónur og svipuð meðferð á snyrtistofu 5.000–7.000 krónur. Ég fæ ítrekað spurningar um hvort að þetta sé verðið og hvort það sé fyrir allan líkamann.“
„Mine tan litirnir sem við notum eru 100% náttúrulegir, innihalda andoxunarefni, kaffibaunir, kókosvatn, moroccanolíu, svo fátt eitt sé nefnt. Litirnir gefa húðinni góðan raka og næringu og innihalda ekki paraben eða súlföt.
Þegar viðskiptavinur mætir þá veljum við lit sem hentar húð hvers og eins. Tólf litir eru í boði og einnig boðið upp á að blanda fyrir hvern og einn. Við mælum með að koma með hreina húð og í víðum fötum, fara svo heim og bíða í sex tíma og fara svo í sturtu, þá er liturinn tilbúinn.
Fólk er að sjá mikinn mun, losnar til dæmis við þurrk, húðin ljómar meira, sem dæmi,“ segir Alexandra. „Ég spreyja viðkomandi, enda fæst besta útkoman þannig, frekar en að vél spreyi á hann.
Á tíu mínútum er viðskiptavinurinn kominn með góðan lit sem endist í 7–10 daga, þannig að flestir eru að mæta einu sinni í viku til að viðhalda litnum. Sérstakir litir eru í boði fyrir íþróttafólk sem svitna ekki af, en allir litirnir eru lyktarlausir og smitast ekki í föt. Fara má í sund með litinn og dofnar hann af jafnt og þétt, kjósi viðskiptavinur ekki að mæta aftur til að viðhalda litnum.“
Á vefsíðunni tan.is má kaupa sömu liti í froðubrúsa. „Sumum finnst þægilegra að spreyja sig heima, á meðan aðrir kjósa að koma til okkar,“ segir Alexandra, sem leggur jafnframt áherslu á að veita persónulega og góða þjónustu.
Tan Reykjavík, verslun og spraytanstofa, er í Holtagörðum, 2. hæð. Tímapantanir og upplýsingar eru í síma 778-6200.
Opnunartími er samkvæmt bókunum.
Heimasíða: tan.is, Facebook-síða: taniceland og Instagram: Tanreykjavik.
