Cargo sendibílaleiga sérhæfir sig í útleigu á sendi- og kassabílum með lyftu til flutninga á búslóðum og vörum. Þar leigir þú þann bíl sem hentar þínum flutningum, ekur sjálfur/sjálf og sparar því umtalsverðan kostnað.
Bílafloti til búslóðaflutninga
Gunnar Haraldsson, eigandi Cargo sendibíla, segir bílaflota fyrirtækisins samanstanda af þremur bílastærðum. „Í 1.100 kílóa flokkunum erum við með minni sendibíla sem hafa alveg einstaklega góða aksturseiginleika og eyða litlu eldsneyti.1.200 kílóa flokkurinn er kassabílar með lyftu sem eru einstaklega góður kostur til flutninga á stórum og meðalstórum búslóðum. Á þessa bíla þarf ekki meirapróf og eru þeir sparneytnir. Stærstu bílarnir eru bílar sem henta vel í stærri flutninga, en það eru bílar aukinna ökuréttinda.
„Tækjaleigan hjá okkur er með tækjum sem auðveldar fólki flutningana. Við bjóðum til leigu sekkjatrillu sem er með burðargetu upp að 200kg, einnig erum við með tröpputrillu sem auðveldar fólki flutninga þungra hluta upp og niður stiga, þessar trillur reynast mjög góðar til þess að flytja t.d. þvottavélar og ísskápa. Burðarböndin eða píanóböndin okkar henta vel til þess að lyfta stórum borðum, skápum, píanóum og þvottavélum svo eitthvað sé nefnt. Ef þú ert svo með vörur eða búslóð á brettum eigum við einnig brettatjakka til leigu og svo sterk bönd til þess að festa vörurnar í bílunum.“
Að sögn Gunnars þarf viðskiptavinur sem hyggst leigja sendibíl að framvísa ökuskírteini og kreditkorti sem tryggingu fyrir leigu sendibifreiðarinnar. „Vert er að taka fram að leigutaki þarf ekki að vera með meirapróf til að leigja sendibíl með burðargetu 1.200 kíló og undir. Leigutaki leigir sendibílinn fullan af eldsneyti og skilar svo tanknum fullum.“
Cargo sendibílaleiga, Skemmuvegi 32 (bleik gata), 200 Kópavogur.
Sími: 566 5030. Tölvupóstfang:info@cargobilar.is
Opnunartími: Alla virka daga frá kl. 8.00–18.00 og um helgar frá klukkan 10.00–16.00.
www.cargobilar.is
