Einföld en ótrúlega árangursrík ráð eftir allt átið um jólin
Þig langar að léttast og hefur prófað ýmislegt en ekkert hefur skilað nægjanlega góðum árangri. Vefurinn Health.com hefur tekið saman sextán ráð frá fólki sem hefur náð eftirtektarverðum árangri í baráttu sinni við aukakílóin. Ef þú tileinkar þér þessi ráð ættirðu að ná þokkalegum árangri eftir allt átið um jólin.
„Ég fór mjög oft út að borða, allt að níu sinnum í viku. Með því að minnka þetta niður í eitt skipti í viku og panta mér þá kjúklingasalat í staðinn fyrir stóra pastaskál tókst mér að léttast um 10 kíló á einum mánuði.“
– Kerri Butler
„Ég náði þyngdarmarkmiði mínu með því að hætta að kaupa snakk þegar ég verslaði í matinn. Ef mig langaði í snakk eða sælgæti þá varð ég að gjöra svo vel að fara út í búð og kaupa það. Það var óhagkvæmt og varð til þess að ég minnkaði snakkneysluna – og þar með saltneysluna mikið.“
– Heather Del Baso
„Áður fyrr sleppti ég morgunmatnum en núna sleppi ég honum aldrei. Ég borða alltaf prótínríkan morgunverð sem inniheldur um 300 hitaeiningar. Dæmi: Samloka með hnetusmjöti. Þetta gerir það að verkum að ég narta síður yfir daginn. Á rúmu ári hef ég lést um 30 kíló.
– Bo Hale
„Ég reyni að koma hreyfingu inn í dagskrána mína hvar sem ég er og hvenær sem er. Geri hnébeygjur þegar auglýsingar eru í sjónvarpinu og dansa þegar ég er að vaska upp. Þetta brennir fáum hitaeiningum en margt smátt gerir eitt stórt.“
– Megan Tiscareno
„Ég hætti að reykja, byrjaði í ræktinni og fékk mér einkaþjálfara. Það var ekki möguleiki hjá mér að reykja og vera um leið dugleg í ræktinni og í góðu formi. Ég hef lést um rúm 15 kíló á þremur mánuðum.“
– Leila Fathi
„Ég tók til í eldhússkápunum og frystikistunni og losaði mig við óhollustuna. Með því að skipta kexinu og ísnum út fyrir sólblómafræ eða hafraklatta fór ég ósjálfrátt að taka betri ákvarðanir þegar ég fékk mér að borða. Núna er ég grennri en áður en ég varð tveggja barna móðir!“
„Eftir vinnu vandi ég mig á að fara út með vinnufélögunum og við fengum okkur oft að borða, oftast djúpsteiktan mat. Svo breyttum við til og í stað þess að fara út að borða fórum við út að ganga og jogga. Ári síðar er ég tuttugu kílóum léttari.“
„Ég fyllti iPodinn minn af kraftmikilli tónlist sem varð til þess að ég hlakkaði til að fara í ræktina. Þetta gaf mér aukna orku og ég var kraftmeiri á æfingunni. Og vegna þess að öll lögin eru góð þá æfi ég lengur en ég gerði áður. Tveimur mánuðum síðar er ég 6 kílóum léttari.“
„Með því að bæta grænmeti við uppáhaldsréttina mína varð ég svo södd að ég hafði ekki pláss fyrir eftirrétt. Með því að setja grænmeti á pítsuna í staðinn fyrir til dæmis pepperoni léttist ég mikið.“
„Þegar mig langaði að komast í gallabuxurnar mínar á nýjan leik þá ákvað ég að byrja að hlaupa. Ég hljóp í tuttugu mínútur á hverjum degi og á tveimur mánuðum léttist ég um 5 kíló. Ég er orkumeiri og nýbúin að klára mitt fyrsta 5 kílómetra hlaup. Buxurnar? Þær eru alltof stórar núnar.“
„Jóga er það besta sem hefur gerst fyrir samband mitt við mat. Ég er meðvitaðri um hvað ég borða og hætti þegar ég verð södd. Appelsínuhúðin er horfin.“
„Þegar ég fékk mér skyndibita vandi ég mig á að stækka máltíðina, borða meira af frönskum og drekka meira af gosi. Eftir að ég hætti því hef ég misst 8 kíló á 7 vikum.
„Eftir að ég fór að borða meiri hollustu eins og gulrætur og hummus get ég leyft mér að fá mér súkkulaði eða vínglas á kvöldin. Þrátt fyrir það hefur mér tekist að léttast um 10 kíló.“
„Fyrir tveimur mánuðum ákvað ég að prófa Zumba tvisvar í viku. Zumba hefur hjálpað mér að tóna líkamann – sérstaklega fæturna og upphandleggina. Ég hef lést um rúm 5 kíló á þessum tveimur mánuðum.“
„Eftir að ég eignaðist barn hætti ég að borða eftir klukkan hálf sjö á kvöldin, fimm kvöld vikunnar. Hin tvö kvöldin leyfði ég mér að borða það sem mig langaði í. Þar sem ég borðaði hvort sem er bara ruslfæði öll kvöld vikunnar var ég aðeins tvo mánuði að koma mér í þá þyngd sem mig langaði að vera í.
„Ég fer í göngutúr með hundinum á hverjum degi, jafnvel bara í 10 mínútur í hvert skipti. Allt þetta labb skilar sínu. Á síðastliðinu ári hef ég misst 25 kíló.“
