Dalía blómabúð og Deluxe snyrti- og dekurstofa taka saman höndum
Dalía blómabúð og snyrti- og dekurstofan Deluxe eru staðsettar hlið við hlið í Glæsibænum, í hjarta borgarinnar. Valentínusardagurinn, sem rennur upp þriðjudaginn 14. febrúar, er í hávegum hafður hjá þessum ágætu fyrirtækjum sem hafa nú tekið höndum saman og útbúið afar rómantískan og flottan gjafapakka fyrir alla þá sem vilja gleðja elskuna sína á Valentínusardaginn.
Ef þú kaupir gjafabréf fyrir 6.500 krónur frá Deluxe færðu gjafabréf að verðmæti 8.000 króna. Þú mætir með gjafabréfið til Dalíu og nælir þér í 20 prósenta afslátt af tilbúnum blómvendi í fallegum pakkningum.
Deluxe er með alls konar dekur í boði og Dalía með fjölbreytt úrval blóma og gjafavöru á sanngjörnu verði. Dalía veitir hlýja, persónulega og faglega þjónustu. „Við erum með sérlega gott verð á rósum og blómum og við leggjum metnað okkar í að viðskiptavinir gangi glaðir og ánægðir út frá okkur,“ segir Ólafía Ólafsdóttir, eigandi verslunarinnar. Venjulegur opnunartími er alla virka daga og laugardaga frá kl. 10.00 til 19.00 og sunnudaga frá kl. 12.00 til 18.00.
Snyrtifræðingarnir Gyða Agnarsdóttir og Sólrún Pétursdóttir eru eigendur snyrti- og dekurstofunnar Deluxe. Auk þeirra starfar á stofunni Valgerður Ósk Daníelsdóttir snyrtifræðingur sem sérhæfir sig í Sleek Brow, en það er mjög vinsæl þykkingarmeðferð fyrir augabrúnir þar sem hárum er bætt inn í þær.
„Við bjóðum upp á mjög fjölbreytt úrval snyrtimeðferða jafnt fyrir konur sem karlmenn,“ segja stöllurnar. „Við notum einungis hágæðavörur, sem hannaðar eru af húðlækni, í andlitsmeðferðir. Við þurftum að sækja námskeið og fá sérstakt diplóma til að öðlast leyfi til þess að nota vörurnar á stofunni okkar. BB-kremið okkar hefur algjörlega slegið í gegn og er vinsælasta varan okkar.“
Sem fyrr segir eru þessi ágætu fyrirtæki, Dalía blómaverslun og Deluxe snyrti- og dekurstofa, staðsett hlið við hlið í verslunarkjarnanum í Glæsibæ. Það er full ástæða til að kíkja þangað í heimsókn fyrir Valentínusardaginn og konudaginn og tryggja sér gleði og ánægju ástarinnar sinnar.
