Sjáðu myndirnar
Hér á landi er enginn skortur á stórglæsilegum einbýlishúsum en fasteignaverðið er mjög hátt og ekki fyrir hvern sem er að verða sér úti um slíka eign. Hér birtum við fimm dýrustu einbýlishúsin á höfuðborgarsvæðin. Þau eru öll að finna í Reykjavík og öll nema eitt í miðborg Reykjavíkur.
Hér eru tíu herbergi í einbýlishúsi á 404 fermetra eign við Bergstaðastræti 81 í miðborg Reykjavíkur. Húsið er á þremur hæðum, kjallari, aðalhæð, ris og stendur á sérlega fallegri lóð. Húsið er virðulegt og franskir gluggar setja á það mjög fallegan svip. Það var byggt árið 1945 og síðan breytt og stækkað verulega árið 1975. Hægt er að lesa nánar um eignina hér.
Hér er á ferðinni glæsilegt einbýlishús sem skiptist í þrjár hæðir auk rislofts við Ránargötu 18 sem er á horni Ránargötu og Ægisgötu. Húsið er íslensk steinsteypuklassík reist árið 1927. Húsið hefur verið nýtt sem skrifstofuhúsnæði í 70 ár en hentar einnig sem einbýlishús eða fleiri íbúðir. Það eru átta herbergi, þrjú baðherbergi og þrír inngangar í húsinu. Hægt er að lesa nánar um eignina hér.
Um er að ræða fallegt og reisulegt 384 fermetra einbýlishús með bílskúr við Sjafnargötu í Reykjavík. Húsið er staðsett neðan við götu með fallegu útsýni í átt að Reykjavíkurflugvelli. Húsið var byggt árið 1930 og eru 11 herbergi á þremur hæðum. Eignin var endurgerð árið 2013. Hægt er að lesa nánar um eignina hér.
Þetta hús er þrír matshlutar, þrjár íbúðir og allar með sér inngangi. Hægt er að breyta nýtingu hússins í einbýlishús. Jarðhæðin er 76,9 fermetrar, miðhæðin er 101,7 fermetrar og rishæðin er 81,1 fermetrar. Húsið var byggt 1903. Það er endurnýjað og að hluta til nýtt hús. Borgarstjórinn í Reykjavík veitti þessu húsi viðurkenningu árið 2005 vegna vel gerðra endurbóta. Hægt er að lesa nánar um eignina hér.
Stórglæsilegt 320 fermetra einbýlishús á tveimur hæðum á frábærum stað við Laugardalinn í Reykjavík. Eigin hefur öll verið endurnýjuð hið inra og ytra nýlega. Lóðin er 842 fermetrar að stærð. Hægt er að lesa nánar um eignina hér.
