*Auður Rafnsdóttir fékk áhuga á kryddjurtaræktun vegna áhuga á eldamennsku. „Ég elska matreiðslu og veit að hráefnið skiptir sköpum, það geta allir eldað góðan mat ef hráefnið er gott. Kryddjurtir í matreiðslu gera gæfumuninn, án þeirra er maturinn bara hráefni, allt er þetta spurningin um samsetningu.“
Fyrir rúmum þremur árum opnaði Auður Facebook-síðu sem heitir Áhugafólk um kryddjurtaræktun. „Ég setti síðuna upp í þeim tilgangi að upplýsa nokkrar vinkonur um kryddjurtir og til þess að við gætum skipst á ráðum um ræktunina. Í dag eru yfir 10 þúsund einstaklingar í hópnum, sem varð svo kveikjan að bókinni Kryddjurtarækt.“
Auður segir að allir geti ræktað kryddjurtir, líka þeir sem eru dálítið sveimhuga og á ferð og flugi. „Það eina sem þarf er áhugi, suðurgluggi, eða innigarður. Ég hvet alla til að prófa, það er mikið meira gaman að matreiða með sínar eigin kryddjurtir en þær aðkeyptu. Auðvitað gerir allir mistök en þau eru til að læra af þeim og gera betur næst.“
Aðspurð um uppáhaldskryddjurtina verður Auður hugsi. „Ég var einmitt spurð um þetta nýlega og verð að segja að þær eru allar uppáhalds. Ég á mjög erfitt með að gera upp á milli þeirra. Líklega elska ég þó rósmarín mest enda getur hún verið erfið, þarf sendinn og þurran jarðveg. Ég hef aldrei ræktað sítrónumelissu og kann því ekki vel á hana. Ég verð að fara að gera eitthvað í því fljólega.“
Nú er einmitt uppskerutími kryddjurtaræktenda. Í bók Auðar er að finna ýmsar uppskriftir þar sem þær nýtast, sem og ráð um þurrkun og geymslu. DV fékk góðfúslegt leyfi til að birta tvær girnilegar uppskriftir úr bókinni. Gjörið svo vel!
1 msk. engifer, rifið4 hvítlauksgeirar½ bolli steinseljulauf, söxuð 1/3 bolli saxað kóríanderlaufsafi úr einni sítrónu1 msk. jalapeño, saxaðklípa af saffrani (má sleppa)½ bolli jómfrúarólífuolíasalt eftir smekk
Maukið allt nema olíu og salt saman í mortéli, færið síðan yfir í blandara og hellið olíunni rólega saman við, saltið að lokum eftir smekk og látið standa áður en borið er fram. Geymið í ísskáp. Þessi sósa kallast chermoula og er ættuð frá Norður-Afríku. Hún er frábær með fiski og öllum grænmetisréttum.
2 msk. rósmarín½ msk. timjan½ msk. salvía1 tsk. hvítlaukur, smátt saxaður3 dl saltflögur1 tsk. sítrónu- og/eða límónubörkur
Saxið kryddjurtirnar smátt. Blandið öllu vel saman á bakka og látið standa á borði í einn til tvo sólarhringa til þurrkunar áður en það er sett í krukku með þéttu loki til geymslu.
