Hirzlan Skeifunni 11 og Síðumúla 37
Við eyðum löngum tíma í vinnunni og mörg okkar vinna í sitjandi stellingu. Það er afar mikilvægt að stólarnir sem við sitjum í við vinnuna séu þannig úr garði gerðir að þeir valdi ekki óþægindum í baki. Enn betra er að finna sér stóla sem beinlínis stuðla að bættri bakheilsu. Það er tilfellið með stólana frá Topstar og Wagner sem eru til sölu í Hirzlunni. Þessi frábæra þýska hönnun er með einkaleyfi fyrir Sitness og Dondola tækni sem veitir 360 gráðu veltusetu í stólunum – tækni sem stuðlar að mun betri bakheilsu og skapar hreyfingu fyrir hryggsúluna, en Topstar og Wagner hafa unnið mikla rannsóknarvinnu til að stuðla að því að 360 gráðu tæknin veiti sem mesta vellíðan.
Framleiðendurnir gerðu könnun á meðal notenda stólanna í Þýskalandi og niðurstöðurnar eru mjög áhugaverðar. Um 95% þátttakenda í könnuninni lýstu yfir ánægju með stólinn sinn og fannst hann þægilegur, 94% myndu mæla með honum, 84% fundu fyrir betri líðan af notkun stólsins og 56% af þeim sem höfðu bakvandamál fundu fyrir batamerkjum.
Hirzlan var opnuð árið 1993 og hefur selt gæðahúsgögn fyrir heimili og skrifstofur allar götur síðan. Núna hefur verið opnuð ný og glæsileg verslun Hirzlunnar að Síðumúla 37. Hirzlan leggur í dag áherslu á skrifstofuhúsgögn. Kappkostað er að bjóða upp á nútímaleg, heilsusamleg og hugvitsamlega hönnuð húsgögn fyrir vinnustaði.
Auk hinna vönduðu og framsæknu skrifborðsstóla frá Topstar og Wagner býður Hirzlan meðal annars upp á Prima skrifstofuhúsgögn frá Tvilum í Danmörku og skrifstofuhúsgögn frá Hammerbacher í Þýskalandi. Hirzlan hefur frá upphafi sérhæft sig í sölu á vönduðum húsgögnum frá Danmörku og Þýskalandi.
Á næstunni mun Hirzlan kynna nýja tækni, Biocrystal, sem stuðlar að því að líkaminn endurnýjar tapaða orku og gerir honum kleift að styrkja ónæmiskerfið og bæta hæfni gegn streitu, þreytu, sýkingum og sjúkdómum.
Verslun Hirzlunnar að Síðumúla 37 er opin virka daga frá kl. 9 til 18. Símanúmer er 564-5040. Nánari upplýsingar eru á heimasíðu Hirzlunnar, www.hirzlan.is.
