Um árabil hefur Adams Pizza og grill notið mikilla vinsælda að Seljabraut 54 en snemma í sumar opnaði Adam nýjan stað að Ármúla 42 og hefur hann líka slegið í gegn. Þar er huggulegur matsalur fyrir 34 manns og margir njóta veitinga á staðnum. Einnig er hægt að taka með eða fá sent en fyrirtækið hefur nýlega fest kaup á tveimur nýjum, vel merktum og fallegum sendibílum frá Brimborg.

Adams Pizza & grill býður upp á steinbakaðar pitsur, þykka hamborgara, kótelettur, salöt, ís og kaffi. Einnig er barnamatseðill enda er staðurinn vinsæll á meðal fjölskyldufólks. Hann er ekki síður vinsæll á meðal vinnandi fólks í nágrenninu sem sækir staðinn stíft og er þess vegna sérstaklega mikið að gera í hádeginu.

Mynd: DV ehf / Sigtryggur Ari

Adam sjálfur er með 25 ára reynslu í veitingabransanum og nýlega réð hann til starfa mann með 20 ára reynslu og reka þeir staðina tvo saman. Opið er alla daga á Adams Pizza og grill frá kl. 11 fyrir hádegi til miðnættis. Hægt er að panta með því að hringja í síma 533 1414 en einnig er hægt að panta beint á netinu, sjá hér.