Á Skjöldólfsstöðum á Jökuldal er rekið aðlaðandi gistiheimili með góðri aðstöðu fyrir alla ferðalanga. Hvort sem er hópa sem vilja borða saman í virðulegum sal, eða ferðalanga sem gista í tjaldi. Á Skjöldólfsstöðum er hægt að mæta óskum allra. Gistiheimilið er í dag með 12 herbergi, tvö eins manns, níu tveggja manna og eitt fjögurra manna. Herbergin er hægt að panta uppábúin eða sem svefnpokapláss. Verið er að leggja lokahönd á tíu tveggja manna herbergi, með uppábúnum rúmum, sem ráðgert er að taka í gagnið um mánaðamótin júní/júlí.

Hákonarstofa Í stofunni sem er tjaldsvæðinu er góð aðstaða fyrir varðeld og oftar en ekki er brostið í söng

Hægt er að fá barnarúm. Sameiginleg baðaðstaða og innifalinn er aðgangur að heitum potti og sundlaug.

Skjöldólfsstaðir státa af rúmgóðu tjaldsvæði með aðgangi að rafmagni. Sturtur, heitur pottur og sundlaugin eru innifalin í verði inn á tjaldsvæðið. Í Hákonarstofu sem staðsett er á tjaldsvæðinu er hægt að sitja við opinn eld og orna sér á fallegum sumarkvöldum. Ekki gleyma gítarnum

Hreindýrabollur, áfengi og ís

Fjölbreytt veitingasala er á Skjöldólfsstöðum. Boðið er upp á mat, kaffi og áfengi ásamt gosi, ís og sælgæti. Á matseðli er meðal annars matur úr Héraði: silungur, lamb og hreindýr. Hægt er að fá hreindýrabollur, kjötsúpu, hreindýra- og lambaborgara, steikur og fleira. Með kaffinu er boðið upp á heimabakað bakkelsi.

Á neðri hæð veitingasalar er barnahorn með sjónvarpi, dvd-spilara, leikföngum, dýnum og púðum. Á staðnum fást einnig minjagripir úr Héraði.

Dansleikir, fundir og ráðstefnur

Góður veislusalur er á Skjöldólfsstöðum sem tekur allt að 120 manns í sæti. Þar er tilvalið að halda brúðkaup, afmæli, fermingar, erfidrykkjur, árshátíðir, dansleiki, fundi, ráðstefnur og fleira.

Góð aðstaða er til að sýna hvers kyns myndir og halda fyrirlestra en skjávarpi og tjald eru á staðnum.

Ýmsir viðburðir eru ár hvert haldnir á Skjöldólfsstöðum. Fyrstu helgina í júní er árleg opnunarhátíð með ýmsum viðburðum fyrir börn og fullorðna. Árlega er haldið upp á afmæli Hákonar Aðalsteinssonar skálds þann 13. júlí. Vegna framkvæmdanna verður þessum tveimur viðburðum þó fagnað saman í júlí þetta árið. Fyrstu helgina í september er dansleikur en Geirmundur Valtýsson hefur spilað á þeim dansleik síðustu 20 ár. Að auki eru viðburðir sem eru auglýstir sérstaklega.

Skjöldólfsstaðir á Jökuldal
Sími: 471-1085 og 895-1085
Netfang: allij@centrum.is
Heimasíða: www.ahreindyraslodum.is
Facebook: www.facebook.com/ahreindyraslodum/