Pizza 67 hefur verið í Vestmannaeyjum í yfir 20 ár en Sævar Hallgrímsson og Anný Aðalsteinsdóttir eru nýtekin við rekstrinum og standa því frammi fyrir sinni fyrstu Þjóðhátíð í Eyjum sem veitingafólk. Búast má við þéttsetnum stað alla helgina og fjölmörgum sendingum út til þjóðhátíðargesta auk þess sem margir munu sækja pítsurnar sínar. Pizza 67 er allt í senn veitingastaður þar sem gestir geta sest að snæðingi, en einnig er boðið upp á heimsendingu og að pítsan sé sótt á staðinn. Veitingastaðurinn er með 45 sæti og um verslunarmannahelgina verður einnig opið út í garð sem er yfirbyggður með tjaldi en þar eru um 50 sæti til viðbótar. Það verður því sætapláss fyrir tæplega 100 manns á Þjóðhátíð – og veitir ekki af!
„Frá föstudegi til sunnudags verður opið hér frá kl. 10 á morgnana til klukkan 21 því um það leyti tæmist bærinn og fólk fer inn í dal,“ segir Anný en staðurinn lagar sig að sjálfsögðu að þörfum þjóðhátíðargesta. Vanalega er Pizza 67 í Vestmannaeyjum opin frá 11 á morgnana til klukkan 22 auk þess sem alltaf er nætursala um helgar á heimsendingum.
„Hér verður þjóðhátíðarstemning yfir daginn og plötusnúðar munu skemmta á staðnum, við keyrum síðan á pítsunum og hamborgurum sem munu renna út í stríðum straumum,“ segir Anný. Hún segir að þetta árið komi þau ekki til með að hafa mikinn tíma til að fara inn í dal að skemmta sér eins og undanfarin ár, því eftir lokun munu þau þurfa að undirbúa næsta dag. „Það getur þó verið að maður nái aðeins að kíkja á sunnudagskvöldið,“ segir hún vongóð.
Þau segjast spennt fyrir Þjóðhátíðinni, þau búist við sannkallaðri þjóðhátíðarstemningu á Pizza 67, líkt og undanfarin ár, enda hefur staðurinn skipað fastan sess hjá mörgum þjóðhátíðargestum.
Þau eru sammála um að allur gangur sé á því hvernig fólk nálgast veitingarnar sínar:
„Margir koma á staðinn og sækja eða snæða á staðnum. En það eru líka margir sem nýta sér heimsendinguna,“ segir Sævar.
„Bærinn er líka fullur yfir daginn á meðan barnadagskráin stendur yfir inni í dal og því mun allt fyllast hér hjá okkur,“ segir Anný. Hún er núna í óðaönn að manna vaktir fyrir helgina en hópur af aukastarfsfólki ræður sig á vaktir um verslunarmannahelgina.
En hvað sem verslunarmannahelginni líður er Pizza 67 alltaf sígildur staður í Vestmannaeyjum og alltaf mikið að gera. Af vinsælum pítsum má nefna Pepperoni 67 og síðan er það pítsan Sendillinn sem þykir einstök. Innihald hennar er: Ostur, sósa, hakk, skinka, sveppir, kjúklingur, piparostur, beikon – „hún er svo smurð með sérstakri smurolíu,“ segir Anný og bætir við: „Þetta þykir virkilega „djúsí“ pítsa“.
Og svo eru það að sjálfsögðu brauðstangirnar, þær eru alveg klikkaðar hérna, enda mjög vinsælar,“ bætir Sævar við að lokum.
Pizza 67
Heiðarvegi 5
Vestmannaeyjum
Sími: 481-1567
