Ísinn hefur verið aðalsmerki Skalla í gegnum tíðina og stendur alltaf fyrir sínu. Þessi bragðgóði ís sem svo margir þekkja er heimagerður, ef svo má segja, en hann er blandaður á staðnum. „Ef það bara rétt glittir í sólina þá bókstaflega fyllist allt hérna, sólin fyllir alla lífsgleði og allir vilja fá sér ís,“ segir Atli Jónsson hjá Skalla í Ögurhvarfi. Atli Jónsson er sonur Jóns Magnússonar, eiganda Skalla í Ögurhvarfi og hefur stafað við hlið föður síns í rekstrinum í tíu ár. Skalli er einnig á Selfossi, þar eru aðrir eigendur, en náið samstarf á milli staðanna.
Skalli er líka vinsæll fyrir mikið úrval góðra skyndirétta og er í senn veitingastaður og ísbúð. Íssalan tekur mikinn kipp á sumrin, ekki síst ef sést til sólar, eins og fyrr segir. Girnilegur, fjölbreyttur og ferskur nammibar spillir þar ekki fyrir.
Skalli á sér langa sögu og hóf starfsemi sem sjoppa og ísbúð í Lækjargötu árið 1973. Það voru í raun nemendur í
Menntaskólanum í Reykjavík sem gáfu staðnum nafn:
„Þarna var fyrir sjoppa áður en Skalli var opnaður en hana rak sköllóttur maður. Menntaskólakrakkarnir töluðu um að fara út í Skalla þegar þeir fóru í þá sjoppu og þar með varð nafnið til,“ segir Atli.
Eins og mörg góð fyrirtæki hvílir Skalli á gömlum grunni en þróast jafnframt í takt við tímann og er sívinsæll. Í dag er Skalli á tveimur stöðum, í Ögurhvarfi 2 í Kópavogi, þar er opið alla daga vikunnar frá kl. 10.00 til 23.00, og á Austurvegi 6, Selfossi.
Á báðum stöðunum er ísinn aðalsmerkið en fjölbreytt úrval góðra skyndibita nýtur einnig mikilla vinsælda.
