Almar Bakari er til húsa í verslunar- og þjónustumiðstöðinni Sunnumörk í Hveragerði. Auk þess að vera rótgróið bakarí má telja staðinn vera eitt helsta kaffihús bæjarins, sem nýtur mikilla vinsælda bæði hjá íbúum á svæðinu og meðal innlendra sem erlendra ferðalanga. Kaffihúsið er stórt og tekur 70 manns í sæti. Opið er alla daga vikunnar, virka daga frá kl. 7 til 18 og um helgar frá 8 til 18, síðarnefndi tíminn gildir fyrir 17. júní sem að þessu sinni ber upp á föstudegi.

Almar Bakari er þekktur fyrir góðan hádegismat sem vinnandi fólk, auk ferðamanna, nýtir sér óspart. Í hádeginu er boðið upp á tvær súpur þar sem önnur er ætíð glúten- og rjómalaus en hin er rjómalöguð. Þá eru í boði pastaréttur og núðluréttir. Auk þess er mikið úrval af samlokum.

Almar Bakari er almennt þekktur fyrir mikið úrval, meðal annars fjölbreyttar, litríkar og gómsætar kökur og tertur. En fyrir þá sem vilja sykursnautt brauðmeti þá er það sannarlega í boði líka. Brauðin eru öll án viðbætts sykurs. Þau eru látin hefast í kæli í 18 tíma, ferlinu er ekki flýtt heldur fá þau að hefast hægt sem veldur því að það þarf mun minna magn en ella af geri og salti – og engum sykri er bætt við.

Seytt brauð er einnig í boði hjá Almari bakara og eru þau brauð bökuð yfir hver í nágrenni bakarísins. Vekur þessi aðferð mikla hrifningu erlendra ferðamanna sem sækja staðinn.

Almar Bakari – Bakarí og kaffihús
Sunnumörk 2
Hveragerði
Sími: 483-1919
Almar bakari á Facebook