Fyrsti Snarl-þátturinn inniheldur ljúffenga en jafnframt einfalda aðferð við að búa til chia-graut.
Markmið Snarlsins er að vekja áhuga hjá krökkum á að læra að elda sjálf holla og fljótlega rétti eftir skóla.

Vantar ykkur einfalda og þægilega lausn að góðum morgumat? Snarlmeistarinn og sjónvarpskokkurinn Ebba Guðný er þekkt fyrir að kenna okkur, jafnt ungum sem öldnum, að elda afbragðsgóða og um leið holla rétti.

Ebba í samstarfi við Krónuna setti saman nokkur stutt myndbönd sem innihalda einfaldar og hollar uppskriftir. Hér að neðan sjáum við þær Ebbu og Aldísi matreiða chia-grautinn.

Chia-grautur

3 msk. chia-fræ
1½-2 dl lífræn möndlumjólk eða hrísmjólk
Berjamauk
Ávextir að eigin vali
(t.d. banani eða mangó)

• Til að útbúa berjamauk: Sjóðið 1 dl af frosnum berjum og 1 msk. af vatni rólega í potti í um það bil 1 mínútu, stappið með stappara og geymið svo í kæli í glerkrukku með loki. Ég set alltaf nokkra dropa af vanillustevíu í mitt berjamauk. Geymist í um 1-2 daga.
• Best er að gera allt klárt kvöldið áður en maður ætlar að borða hann í morgunmat.