Betra Grip ehf. var stofnað árið 2005 sem þjónustu og heildverslun með Bridgestone hjólbarða. Árið 2013 sameinaðist Betra Grip, Smur,- bón- og dekkjaþjónustunni sem hafði sérhæft sig í smur,- og dekkjaþjónustu og smáviðgerðum. Við sameininguna flutti Betra Grip starfsemi sína í Guðrúnartún 4. Betra Grip er umboðsaðili á Íslandi fyrir Bridgestone og flytur inn flestar stærðir hjólbarða og selur bæði í heild- og smásölu. Helstu vörumerkin frá Bridgestone eru; Bridgestone, Firestone, Bandag, Dayton og Seiberling.
Bridgestone framleiðir hjólbarða undir flestar tegundir farartækja undir vörumerkjunum Bridgestone og Firestone sem fást hjá Betra grip. Hinu einstöku Bridgestone Blizzak loftbóludekk eru einnig fáanleg fyrir flestar gerðir fólksbíla og jeppa. Bridgestone loftbóludekkin eru raunverulegur valkostur í stað hefðbundna nagladekkja. Þeir sem hafa prófað Blizzak loftbóludekk, segja allir sömu söguna um hve gott er að aka á þeim. Um er að ræða mikla mýkt og þægindi, minni umferðarhávaða og þau séu frábær á malarvegum.
Undir vörumerkjum Dayton og Seiberling eru framleiddir ódýrari fólksbílahjólbarðar í háum gæðaflokki. Seiberling vetralínan eru míkroskorin dekk sem eru í senn mjúk og hljóðlát. Þau henta vel sem heilsársdekk og hrinda vel frá sér vatni.
Undir vörumerkinu Bandag eru framleiddir sólaðir hjólbarðar. Bandag hefur í gegnum árin getið sér gott orð fyrir vandaða og endingargóða vöru. Hjá Betra grip nær úrvalið allt frá vönduðum fólksbíladekkjum upp í vinnuvéladekk.
Fyrirtækið starfrækir hjólbarðaverkstæði í Guðrúnartúni 4. Starfsmennirnir eru með allt að 30 ára reynslu og þekkingu á sviði hjólbarða og ráðleggja viðskiptavinum sínum af einlægni og kostgæfni við rétt val á hjólbörðum. Betra Grip eru með opið alla virka daga frá kl. 08:00 til 17:00.
