„Metalsistem hillukerfin eru boðin í stöðluðum stærðum til samsetningar. Hillukerfin eru hönnuð af Metalsistem með það í huga að sameina lámarksþyngd stáls með miklum styrkleika samkvæmt viðtekinni venju hjá Metalsistem, ásamt því að forðast að nota hvers kyns bolta, rær eða suður,“ segir Kristinn Gestsson, framkvæmdastjóri Ísoldar ehf.

„Milligólfin hafa einnig komið sér vel fyrir fjölmörg fyrirtæki hér á landi sem hafa annaðhvort getað nýtt sér þá lofthæð sem fyrir er eða byggt upp í nýju húsnæði. Aðlögunarhæfni hillukerfanna gerir það að verkum að hægt er aðlaga þau að öllum helstu starfsgreinum. Hillukerfin frá Metalsistem á Ítalíu hafa verið okkar helsta söluvara og er hillukerfi frá þeim að finna í vel flestum fyrirtækjum og heimilum landsins,“ segir Kristinn. Ísold býður einnig upp á sérsmíðaðar lausnir fyrir skrifstofur, lagera, verslanir, söfn og margt fleira.

Helstu áherslur

Ísold býður upp á hillukerfi fyrir einstaklinga og fyrirtæki. „Fyrir einstaklinga bjóðum við upp á hillukerfi bæði í geymsluna og bílskúrinn með ýmiss konar fylgihlutum eins og til dæmis útdraganlegum skúffum, skilrúmum, fataslám, skóhillum, vinnuborðum, upphengjum og plastkössum,“ segir Kristinn. „Fyrir fyrirtækin bjóðum við upp á hillukerfi fyrir lagera af öllum stærðum og gerðum og einnig fyrir verslanir. Við bjóðum jafnframt upp á sérsmíðaðar lausnir úr efni frá Metalsistem, eins og til dæmis afgreiðsluborð, vinnuborð, hjólaborð, hillukerfi í verslanir, bílainnréttingar og svo framvegis,“ bætir hann við.

Vaxandi starfsemi

Fyrirtækið Ísold ehf. var stofnað árið 1992 af Kristjáni Gissurarsyni. Fyrirtækið óx mjög hratt frá árinu 1995 eftir að það fékk umboð fyrir hillukerfin frá Metalsistem. Því var þremur árum síðar, eða árið 1999, keypt núverandi húsnæði að Nethyl 3–3a undir starfsemina. Húsnæðið telur samtals rúma 1.300 fermetra. Þar af eru verslun og skrifstofa 734 fermetrar og lager og verkstæði 582 fermetrar. Opið er alla virka daga frá kl. 08.00 til 17.00.