Bjóða einnig trillur og brettatjakka til að auðvelda flutningana
Cargo sendibílaleiga sérhæfir sig í útleigu á sendi- og kassabílum með lyftu til flutninga á búslóðum og vörum. Þar leigir þú þann bíl sem hentar þínum flutningum, ekur sjálfur/sjálf og sparar því umtalsverðan kostnað.
Gunnar Haraldsson, eigandi Cargo sendibíla, segir bílaflota fyrirtækisins samanstanda af þremur bílastærðum. „Í 1.100 kílóa flokkunum erum við með minni sendibíla sem hafa alveg einstaklega góða aksturseiginleika og eyða litlu eldsneyti.1.200 kílóa flokkurinn er kassabílar með lyftu sem eru einstaklega góður kostur til flutninga á stórum og meðalstórum búslóðum. Á þessa bíla þarf ekki meirapróf og eru þeir sparneytnir. Stærsti bíllinn okkar er Benz Atego, kassabíll með lyftu, sem hefur 2.500 kílóa burðargetu og lyftigetan er 750 kíló,“ segir hann. „Þessi bíll er frábær ef um þyngri flutninga er að ræða og hentar einstaklega vel til flutninga á búslóðum út á land. Á þennan bíl þarf meirapróf eða hafa tekið ökupróf fyrir 1988.“
„Við erum síðan einnig með hjálpartæki til þess að auðvelda fólki flutningana, eins og sekkjatrillu, sem er með burðargetu upp að 200 kílóum. Þetta er létt handtrilla með föstum palli. Svo er einnig hægt að leigja tröpputrillu sem flytur þunga hluti bæði upp og niður stiga. Báðar trillurnar eru íslensk framleiðsla. Trillurnar reynast mjög góðar til þess að flytja t.d. þvottavélar og ísskápa úr stað. Við erum líka með brettatjakka ef um er að ræða vörur á brettum eða sterk bönd til þess að festa vörurnar í bílunum.“
Að leigja sendibíl
Að sögn Gunnars þarf viðskiptavinur sem hyggst leigja sendibíl að framvísa ökuskírteini og kreditkorti sem tryggingu fyrir leigu sendibifreiðarinnar. „Vert er að taka fram að leigutaki þarf ekki að vera með meirapróf til að leigja sendibíl með burðargetu 1.200 kíló og undir. Leigutaki leigir sendibílinn fullan af eldsneyti og skilar svo tanknum fullum.“
Cargo sendibílaleiga, Skemmuvegi 32 (bleik gata), 200 Kópavogur.
Sími: 566 5030. Tölvupóstfang:info@cargobilar.is
Opnunartími: Alla virka daga frá kl. 8.00–18.00 og um helgar frá klukkan 10.00–16.00.
