Stjórnmálamenn sameinast í skyndibitanum á Ali Baba
Ali Baba hefur átt miklum vinsældum að fagna og opnaði fyrirtækið nýjan stað í Spönginni fyrir um mánuði. Það ætti að gleðja íbúa í efri byggðum Reykjavíkur en nýi staðurinn er fjölskylduvænn og gott er að setjast þar niður og njóta góðra og spennandi veitinga.
Ali Baba, sem var opnaður við Ingólfstorg árið 2009, er löngu orðinn uppáhalds arabíski veitingastaður borgarbúa. Eigandinn, Yaman Brikhan, segir að aðalsmerki staðarins sé ekta kebab. „Sumir gefa sig út fyrir að vera með kebab á boðstólum en því miður er raunin ekki alltaf sú. Hér á Ali Baba eldum við hins vegar kebab af fagmennsku og því fá gestir okkar alvöru gerðina hjá okkur.
„Ég nota einungis ferskt íslenskt hráefni, eins og kjúkling, lamb og nautakjöt,“ segir Yaman Brikhan. „Kryddið er þó af arabískum uppruna en með notkun þess náum við fram hinu eftirsótta, ekta arabíska bragði sem fólk sækist eftir. Það má segja að í eldhúsi okkar sameinist arabísk og evrópsk matargerð og útkoman er öllum að skapi.“
„Á Ali Baba eru alltaf hádegistilboð í gangi og ég kappkosta að bjóða upp á bragðgóðan og ferskan mat á hagstæðu verði. Íslendingar eru orðnir sólgnir í kebab – eftir að þeir kynntust eldamennskunni hjá okkur,“ segir Yaman glettinn á svip. „Hingað kemur fólk á öllum aldri og það er gaman að segja frá því að alþingismenn eru virkilega góðir viðskiptavinir á Ali Baba. Bæði Össur Skarphéðinsson og sjálfur borgarstjórinn, Dagur B. Eggertsson, koma reglulega til okkar og eru hrifnir.
Ánægðir kúnnar okkar eru bestu meðmælin!“
Ali Baba, Veltusundi 3b og Spönginni. S: 445 44 45
https://www.facebook.com/Ali-Baba-103635049728030/info/
Opnunartímar virka daga frá 11.00 til 02.00 og um helgar er opið til kl. 06 á morgnana.
