Dýrabær selur vörur fyrir hunda, ketti og önnur gæludýr. Lögð er áhersla á vörur sem unnar eru úr náttúrulegum hráefnum án aukaefna, svo sem rotvarnar- og litarefna. Hjá Dýrabæ er lögð mikil áhersla á að bjóða upp á vörur sem viðhalda heilbrigði og vellíðan dýranna og því eru allar vörur í búðunum valdar af mikilli kostgæfni. Fyrirtækið var stofnað í desember 2001 og verður því 15 ára á þessu ári. Verslanir Dýrabæjar eru þrjár, í Kringlunni, Smáralind og Reykjanesbæ ásamt útibúi í verslun AMH á Akranesi. Einnig er dreifing á Akureyri á hunda- og kattamat sem Dýrabær flytur inn. Dreifingaraðili á Akureyri er Ragnar Þorgrímsson.
Dýrabær vinnur eftir umhverfisstefnu fyrirtækisins og er virðing fyrir umhverfinu, dýrum og náttúru landsins þeim hjartans mál. Lögð er áhersla á að umgangast bæði dýr og náttúru af virðingu og markmið fyrirtækisins er að vera í fararbroddi með náttúrulegar, umhverfisvænar og aukaefnalausar vörur fyrir gæludýr og uppfylla lög og reglugerðir á sviði umhverfismála. Auk þess að bjóða upp á umhverfisvænar vörur kappkostar Dýrabær að hafa snyrtimennsku í fyrirrúmi og flokka allan úrgang og rusl úr verslunum sínum. Vellíðan dýranna er ekki síður mikilvæg og er fyrirtækið dýravænn staður þar sem er lögð áhersla á lifandi og skemmtilegt umhverfi. Starfsfólk verslananna er svo ávallt reiðubúið að veita ráðgjöf og hvetur eigendur gæludýra til þess að gæta þrifnaðar í kringum dýrin og gæta þess að þau valdi ekki óþrifnaði með umgengni sinni.
Dýrabær býður upp á fjölbreytt úrval af vörum á mjög hagstæðu verði. Hunda- og kattamatur sem boðið er upp á er af háum gæðum og er í gæðaflokkunum Ultra Premium, Super Premium og Premium. Fóðurtegundir fyrir hunda og ketti sem fást í verslunum Dýrabæs eru Barking Heads, Meouwing Heads, Bosch, Sanabelle, Canagan, AATU, Regal, Natures Menu, Calibra, Royal Canin, ásamt ferskfóðri frá Hundahreysti. Fóðurtegundir fyrir fugla, hamstra, naggrísi, kanínur og degu eru Excel og Lolo.
Mikilvægur hluti þess að velja fóður fyrir dýrið sitt er að kynna sér innihald og efnagreiningu fóðursins. Þessar upplýsingar eru allar aðgengilegar á vefsíðu Dýrabæjar, en starfsfólk verslananna veitir einnig ráðgjöf og aðstoð. Að auki er boðið upp á fríar prufur af þurrfóðri og þannig er gæludýraeigendum auðvelduð leitin að hinu fullkomna fóðri.
Áhersla Dýrabæjar hefur alltaf verið lögð á hágæða og náttúrulega vörur. Hið þekkta viðkvæði, „Við erum það sem við borðum“ á líka við um gæludýrin okkar.
Opnunartíma og símanúmer verslananna má finna á heimasíðu fyrirtækisins og þar eru einnig upplýsingar um vörur og þjónustu. Aðalsíminn er 511-2022 og netfangið er dyrabaer@dyrabaer.is
