Marpól býður upp á alhliða ræstingalausnir fyrir fyrirtæki, stofnanir og heimili. Fyrirtækið selur þekkt gæðamerki í hreingerningageiranum s.s. Unger gluggaþvottavörur, TSM gólfþvottavélar og tunnuryksugur og Hágæða hreinsiefnin. Lilja Dögg Valþórsdóttir markaðsstjóri Marpóls segir fyrirtækið vera jafnframt umboðsaðili fyrir ameríska fyrirtækið Pioneer Eclipse sem hefur í um 40 ár framleitt efnavörur og vélar til ræstinga og viðhalds á öllum tegundum gólfefna: vínyl, granít, marmara, steypu, teppi og línóleum. Marpól er einnig umboðsaðili fyrir Host og Von Schrader sem bjóða upp á hreinsikerfi fyrir teppi. „Auk þess bjóðum við upp á mikið úrval ryksuga og erum þar á meðal umboðsaðili fyrir Sebo sem er þýskt fyrirtæki sem framleiðir gæðaryksugur fyrir bæði heimili og fyrirtæki,“ segir Lilja.
„Frá stofnun fyrirtækisins hefur ávallt verið lagt upp úr faglegri og persónulegri þjónustu,“ segir Lilja. „Það má segja að fyrirmyndar þjónusta er okkar sérhæfing ásamt því að bjóða upp á aðeins hágæða vörur,“ bætir hún við.
„Til dæmis hefur Sebo alltaf verið í fararbroddi í tækni og hönnun á ryksugum. Þessi fjárfesting í nýsköpun og sífelldri skuldbindingu í gæðum hefur gert Sebo að leiðandi framleiðanda á heimsvísu á ryksugum fyrir fyrirtæki og heimili,“ segir Lilja. „Vert er einnig að nefna að í gegnum Pioneer Eclipse bjóðum við einnig upp á umhverfisvæna bón- og efnavörulínu sem heitir EnviroStar Green en hún hentar einkum vel fyrir spítala og skóla til dæmis,“ bætir Lilja við. „Host og Von Schrader, sem við bjóðum einnig upp á, eru umhverfisvæn teppahreinsikerfi sem djúphreinsa teppið þitt, draga úr magni rykmaura og myglu og skilja það eftir hreint, þurrt og tilbúið að ganga á. Bæði kerfin uppfylla alla helstu umhverfisstaðla fyrir teppahreinsiefni,“ segir Lilja.
Marpól tók til starfa árið 1994 og er staðsett á Nýbýlavegi 18, gengið inn Dalbrekku megin. Verslunin er opin alla virka daga frá kl. 09:00 til 17:00. Verslunin hefur verið í eigu Valþórs Þorgeirssonar frá stofnun hennar og hefur hann ávallt haft þarfir viðskiptavina sinna í öndvegi og er hvergi hættur því samkvæmt Lilju. „Allir sem koma til okkar fá hlýjar móttökur og góða þjónustu. Auk þess geta viðskiptavinir okkar stólað á að allar vörur sem þeir versla hjá okkur séu gæðavörur,“ segir hún að lokum.
