Stimplagerðin í Síðumúla 21 var stofnuð árið 1955 og er því elsta stimplagerð landsins. Óðinn Geirsson prentari keypti Stimplagerðina árið 1976 og hefur því rekið hana í 40 ár. „Við sérhæfum okkur í hvers konar stimplum fyrir einstaklinga og fyrirtæki og framleiðum þá úr gúmmíi og notum leysigeisla við það,“ segir Óðinn.

Skilti úr rafgreindu áli og laserskorin plastskilti

Mynd: Þormar Vignir Gunnarsson

„Álið er afar vinsælt því það er álags- og veðurþolið og þolir íslenska veðráttu einkar vel,“ segir Óðinn. „Úr því framleiðum við meðal annars hurðarskilti, barmnælur, vélamerkingar og alls konar minni skilti fyrir hótel og veitingastaði,“ segir hann. „Þá skerum við með leysigeisla í messingskilti,“ bætir Óðinn við.

Stimplagerðin 60 ára

Stimplagerðin átti 60 ára afmæli í mars á liðnu ári og er afmælistilboð á Mobile stimpli nr. 9411 á 5.400 kr. til 29. febrúar næstkomandi. Stimplagerðin er opin mánudaga til föstudaga frá kl. 09.00 til 17.00.