Gæludýr.is safnar fyrir Kattholt, Villiketti og Kisukot
Gæludýr.is var að fá nýtt hundafóður frá Eukanuba. Um er að ræða eitt mest selda fóður í Bandaríkjunum og Evrópu. Eukanuba-fóðrið hefur slegið í gegn hjá hundaræktendum enda í hæsta gæðaflokki. Eukanuba er fjölbreytt fóður á frábæru verði sem framleitt er með mismunandi tegundir í huga. Einnig fæst frá Eukanuba sérstakt fóður fyrir viðkvæma hvutta, hunda með liðvandamál eða vandmeðfarinn feld.
„Það er alltaf mikið að gera hjá okkur í desember og sífellt fleiri kaupa jólagjafir handa gæludýrunum sínum. Margir vilja líka gefa hundinum eitthvað gott að borða á jólunum og þá er upplagt að splæsa í nýja Meatlove-blautmatinn, sem er framleiddur úr úrvals þýsku hráefni. Það elska allir hundar þennan mat,“ segir Ingibjörg, eigandi Gæludýr.is.
Gæludýr.is safnar fyrir ýmis samtök sem bera hag gæludýra fyrir brjósti. „Við söfnum fyrir Kattholt, Villiketti og Kisukot á Akureyri,“ segir Ingibjörg. Hægt er að fjárfesta í kílói af kattafóðri sem er þá sendur beint til samtaka að eigin vali. Þannig getur hver sem er, hvort sem hann á gæludýr eða ekki, styrkt samtökin um kíló af kattafóðri á einfaldan hátt. „Núna er þörfin til dæmis mikil hjá Villiköttum og því viljum við endilega beina gjöfum þangað,“ segir Ingibjörg. „Margir kaupa vörur frá okkur í hverjum mánuði og styrkja mánaðarlega, enda brýn þörf á því og tilvalið að styrkja samtökin um leið og þú kaupir dýrafóðrið. Við berum hag dýranna fyrir brjósti og erum ánægð með þau samtök sem starfrækt eru til stuðnings dýravernd. Þörfin er svo sannarlega til staðar og við myndum vilja sjá að stofnað yrði dýraathvarf á Íslandi eins og gert er erlendis. Gæludýr.is myndi gjarnan vilja styðja við slíka starfsemi. Dýravernd skiptir svo miklu máli,“ segir Ingibjörg.
Gæludýr.is leggur áherslu á gæðavörur, en aðalmarkmiðið er alltaf að bjóða eins lágt verð og mögulegt er. Gæludýr.is er með tvær verslanir; á Korputorgi og Smáratorgi, en þar er einnig hundasnyrtistofa. Að auki er verslunin með vefverslun og sendir frítt heim á höfuðborgarsvæðinu og á Akureyri.
