Í verslununum Söstrene Grene í Kringlunni og Smáralind er hægt að fá smekklegar hönnunarvörur til jólagjafa, jólaskreytinga og margs konar föndurvörur. Að auki er boðið upp á leikföng, matvörur, eldhúsáhöld, kerti, ritföng og veisluvarning. Söstrene Grene er dönsk keðja og selur mikið af rómaðri danskri hönnun en einnig sækja hönnuðir áhrif til Spánar og Austurlanda.

Verslanirnar eru byggðar upp eins og austurlenskur markaður og viðskiptavinurinn upplifir að hann sé staddur á slíkum stað. Mikið er lagt upp úr uppstillingum á vörum, litum og notalegri tónlist, ásamt sterkri og ljúfri angan af tei og kertum.

Á boðstólum er ætíð mikið úrval vinsælla vara sem eru ávallt fáanlegar en jafnframt koma reglulega nýjar og spennandi vörur og eru þær mismunandi frá einni viku til annarrar. Miklar kröfur eru gerðar til gæða og notagildis vörunnar en ýmsar vörur eru sérstaklega hannaðar af listhneigðum hönnuðum sem starfa einungis hjá Söstrene Grene í Danmörku.

Fyrsta verslun Söstrene Grene á Íslandi var opnuð í desember 2005 og önnur í Kringlunni í maí 2012.

Þrátt fyrir að verslanirnar séu á höfuðborgarsvæðinu eiga þær stóran og dyggan hóp viðskiptavina á landsbyggðinni.
Söstrene Grene er með mjög lifandi og skemmtilega síðu á Facebook. Þar má sjá hluta af nýjum vörum sem koma inn fyrir jólin ásamt skemmtilegum fróðleiksmolum.