Hilton Reykjavik Spa er fyrsta flokks heilsurækt á Hilton Reykjavík Nordica hótelinu og býður upp á allt það besta sem völ er á þegar kemur að líkams- og heilsurækt. Ragnheiður Kristín Guðmundsdóttir, deildarstjóri Hilton Reykjavík Spa segir að meðlimagjald innihaldi meðal annars fjölbreytta opna tíma og aðgengi að heilsulindinni þar sem boðið er upp á herðanudd í heitum pottum og handklæði við hverja komu. Í heilsulindinni eru tveir heitir pottar, ilmgufa ásamt slökunarlaug. Úti á verönd er sauna, heitur pottur og kaldur pottur, ásamt sólbaðsaðstöðu. Jafnframt fá meðlimir aðgengi að fjölmörgum færum einkaþjálfurum sem búa til sérsniðna æfingaáætlun fyrir hvern og einn, kenna á tækin og aðstoða eftir þörfum. Auk þess fá meðlimir 10% afslátt hjá snyrti- og nuddstofunni, sem er hluti af heilsulindinni, af öllum líkams- og snyrtimeðferðum.
„Við leggjum áherslu á að veita persónulega og góða þjónustu sem fullnægir þörfum þeirra sem gera kröfur þegar kemur að líkamsrækt og vellíðan,“ segir Ragnheiður. „Við hugum vel að slökun og jafnvægi þar sem líkami og sál er það sem við vinnum með,“ segir Ragnheiður.
„Við erum með fjögurra vikna námskeið fyrir 60 ára og eldri sem eru mjög vinsæl hjá okkur sem eru fyrir bæði konur og karla þar sem lögð er áhersla á persónulega aðstoð, styrk, þol, jafnvægi og samhæfingu til þess að auka lífsgæði. Fólk er á námskeiðinu þrisvar í viku í hóptímum og hefur kost á að koma tvisvar í viku í líkamsræktarsalinn undir leiðsögn en við erum með næringar- og styrktarþjálfara til taks fyrir meðlimi. Á þessum tíma er opið í heilsulindina fyrir þá sem sækja námskeiðið,“ segir Ragnheiður. Næsta námskeið hefst 29. febrúar.
„Við fórum af stað með 100 daga lífsstílsáskorun í síðustu viku og enn er tækifæri til að hoppa á vagninn. Þar er markmiðið að bæta lífsstíl og huga að hreinna og næringarríkara mataræði, auka hreyfingu og efla heilsufar og vellíðan. Námskeiðið er byggt upp á hóptímum, fyrirlestrum, næringarráðgjöf og heilsufarsmælingum,“ segir Ragnheiður. „Við vorum með námskeið fyrir jólin og var árangur þátttakenda framar vonum,“ bætir hún við.
„Við erum að fara af stað með frábært yoga-námskeið sem er yoga með lóðum í heitum sal og er þessi þjálfun frábær fyrir þá sem vilja liðka sig og styrkja í hægum krefjandi æfingum,“ segir Ragnheiður en námskeiðið hefst í næstu viku. Hægt er að finna nánari upplýsingar á heimasíðu heilsulindarinnar og facebooksíðu hennar.
