Humarsalan er sölufyrirtæki sem sérhæfir sig í sölu á humri fyrir innanlandsmarkað. Fyrirtækið býður verslunum, veitingahúsum, veisluþjónustum og einstaklingum upp á gæða humar frá Skinney-Þinganesi á Hornafirði. „Við erum sérfræðingar í sjávarfangi og bjóðum aðeins upp á hágæða hráefni,“ segir Guðjón Vilhelm Sigurðsson, eigandi Humarsölunnar.
Humarsalan var stofnuð í janúar 2004. „Markmið okkar er að bjóða upp á fyrsta flokks humar allt árið um kring og veita fyrirtaks þjónustu,“ segir Guðjón. Fljótlega eftir stofnun fyrirtækisins var viðskiptavinum einnig boðið upp á skötuselskinnar, sem njóta mikilla vinsælda. „Orðstír fyrirtækisins hefur jafnt og þétt vaxið og má með sanni segja að merki Humarsölunnar sé tákn um gæði,“ segir Guðjón.
Humarsalan dreifir og selur humri frá Skinney-Þinganesi á Hornafirði. „Við bjóðum aðeins upp á hráefni í hæsta klassa frá öflugustu humarútgerð landsins,“segir Guðjón. „Það hefur löngum loðað við Hornafjörð að þar sé besta humarinn að fá,“ bætir hann við. Humarsalan selur einnig aðrar afurðir Skinneyjar-Þinganess.
Humarsalan býður upp á breitt úrval af humri í skel og án skeljar, risarækju, hörpuskel og rækju, saltfisk, skötuselskinnar, steinbítskinnar, túnfisk og fleira. Á vörulista Humarsölunnar hafa verið að bætast við nýjungar í gegnum árin, og koma viðskiptavinir Humarsölunnar orðið víða að úr heiminum að sögn Guðjóns. Humarsalan býður einnig veitingahúsum erlendis upp á íslenskar sjávarafurðir og hefur sú þjónusta orðið sífellt vinsælli.
