Íslandslyftur
Íslandslyftur bjóða upp á alla almenna lyftuþjónustu sem og sölu- og þjónusturáðgjöf á margvíslegum útfærslum nýrra lyfta á borð við fólkslyftur, vörulyftur, sérhannaðar lyftur, hjólastólalyftur, þjónustulyftur og lyftur í heimahús. Fyrirtækið býður upp á vörur frá þekktum framleiðendum eins og t.d. Kleemann, Aritco og Liftup. Íslandslyftur bjóða einnig upp á endurnýjun á eldri lyftum, uppsetningu aukabúnaðar og eftirlits- og viðgerðaþjónustu.
„Sætalyfta sem fólk getur prófað er uppsett í nýja sýningarsalnum okkar, að Vesturhrauni 3, Garðabæ. Fram að þessu hefur enginn annar þjónustuaðili í okkar geira boðið upp á aðstöðu þar sem hægt er að taka á móti viðskiptavinum og sýna þeim notkunarmöguleika lyftanna á staðnum. Einstaklingar vilja fá tilfinningu fyrir því sem þeir eru að kaupa, fyrir þá eru þetta stór innkaup; í raun mikilvæg fjárfesting til persónulegra nota. Við ætlum okkur að verða brautryðjendur hvað þessa upplifun varðar. Við getum svo boðið hópum hingað í sýningarsalinn, t.d. eldri borgurum, arkitektum, hönnuðum, bygginagaraðilum o.fl.,
segir Helgi Skúli Helgason, eigandi fyrirtækisins.
Að sögn Helga eru Íslandslyftur einnig með vörur frá sænska fyrirtækinu Aritco sem mun vera fremst í heiminum í „design“ lyftum í heimahús. „Þeir voru að koma með nýja vörulínu sem er mjög vinsæl í íbúðarhúsnæði og eldri byggingar, t.d. verslunar- og skrifstofuhúsnæði, opinberar stofnanir, skóla o.fl. Til að koma slíkri lyftu fyrir þarf bara gat á milli hæða og ekki þarf að smíða lyftustokk eða annað slíkt. Menn mikla oft fyrir sér að þurfa að búa til gryfju fyrir lyftuna en við komum s.s. og setjum hana bara upp, ef rýmið er fyrir hendi. Við verðum með svona heimalyftu í sýningarsalnum fyrir fólk til þess að skoða,“ segir Helgi.
Íslandslyftur ehf. Vesturhraun 3, 210 Garðabæ. Sími: 568-7600
Ítarlegar upplýsingar vörur og þjónustu er að finna á heimasíðunni www.islandslyftur.is
