Að sögn Jafets Arnars Pálssonar, eiganda Epoxy Múr, tekur fyrirtækið að sér lagnir gólfefna fyrir hinar ýmsu gerðir vinnustaða. „Við tökum t.d. að okkur slík verk fyrir þvottahús, bílskúra og verkstæði auk þess að vinna fyrir fisk- og kjötvinnslur, iðnaðar- eða matvælaeldhús og margt fleira.

Epoxýefnið er níðsterkt og hentar á flest öll gólf. Það reynist einstaklega vel þar sem álag á gólfflötum er mikið,“ segir hann.

Vinna í Reykjavík og á landsbyggðinni

„Epoxy Múr tekur einnig talsvert mikið að sér vinnu við múrbrot, steypusögun, steinslípun, kjarnaborun, flotun og múrvinnu. Við búum að áralangri reynslu af vinnu með epoxýefnið, múrbrot og fjölmargt annað sem tengist almennri múrvinnu, og breytingum á rými ýmiss konar. Fyrirtækið er í góðu sambandi við aðra iðnaðarmenn sem gætu þurft að koma að verkefnum sem við tökum að okkur, eins og pípara, rafvirkja, smiði og málara.“

Að sögn Jafets getur fyrirtækið tekið að sér ýmis verk, hvort sem um er að ræða stór eða smá verkefni, bæði á höfuðborgarsvæðinu og nágrenni auk þess sem landsbyggðin er vettvangur þess líka.

Epoxy Múr ehf.
Skútuhrauni 2
Hafnarfirði
Sími: 894 – 5339
Netfang: epoxymur@gmail.com
www.facebook.com/epoxymur