Pítsastaðurinn Castello vann sér afar fljótt upp miklar vinsældir þegar fyrsti staðurinn í Kópavogi var opnaður árið 2007. Bræðurnir Armend og Dardan eru eigendur ásamt litla bróðir þeirra Artan Zogaj sem sér um staðinn í Hafnarfirði en ákváðu bræðurnir að opna þann stað árið 2009 vegna aukinna vinsælda staðarins í Kópavogi.
Árið 2012 byrjuðu bræðurnir að bjóða upp á kebab í Kópavoginum. Vegna gríðarlegra vinsælda ákváðu þeir að gera hið sama í Hafnarfirðinum í fyrra. „Þetta er sérstaklega vinsælt í hádeginu hjá viðskiptavinum okkar,“ segir Armend. „Við erum með alskonar hádegistilboð, bæði af kebab og pítsum sem fólk getur skoðað á heimasíðu okkar castello.is,“ bætir hann við.
„Við erum til dæmis með hádegistilboð þar sem 9 tomma pítsa með þremur áleggstegundum og kók í dós er á 1.390 kr. og miðstærð með þremur áleggstegundum og gos á 1.890 kr. Einnig eru pítsurnar ódýrari ef þær eru sóttar,“ segir Armend.
„Við notum aðeins fyrsta flokks hráefni,“ segir Armend. „Við leggjum mikla áherslu á að tryggja að gæðin séu alltaf í fyrsta sæti og því er ávalt einn fjölskyldumeðlimur á svæðinu til að sjá til þess,“ bætir hann við. „Við erum mjög stoltir af því sem við höfum upp á að bjóða. Sem dæmi þá gáfum okkur góðan tíma í að þróa hina fullkomnu uppskrift og getum með stolti sagt að við erum með besta Kebab sem við höfum smakkað,“ segir hann. „Við á Castello erum þakklátir öllum okkar viðskiptavinum, sérstaklega fyrir að vera með okkur frá upphafi. Við munum gera okkar besta til að halda ykkur ánægðum,“ segir Armend að lokum.
Eins og áður var sagt eru staðirnir staðsettir í Kópavogi á Dalvegi 2 og Hafnarfirði á Dalshrauni 13 og eru þeir opnir frá sunnudag til fimmtudags frá kl. 11:00 til 23:00 og föstudaga og laugardaga frá kl. 11:00 til 23:30.
