Þeir sem kaupa rafmagnsverkfæri leita gjarnan eftir traustu og grónu merki jafnframt því að sækjast eftir nýjungum og framförum. Þýski framleiðandinn Metabo sameinar þetta tvennt. Fyrirtækið hóf framleiðslu á borvélum árið 1923 og verkfæri frá Metabo hafa verið áberandi á íslenskum markaði í marga áratugi. En auk þess er Metabo ávallt leiðandi í nýjungum og kynnir nú nýjung í rafhlöðutækni, LiHD®, sem veitir bæði mun lengri endingu og miklu meiri kraft við notkun verkfæranna.

Fossberg er söluaðili Metabo á Íslandi og leggur sérstaka áherslu á verkfærin frá Metabo á sýningunni Verk og vit sem haldin verður í Laugardalshöllinni dagana 3.–6. mars en þema sýningarinnar er: Íslenskur byggingariðnaður, skipulagsmál og mannvirkjagerð.

Rafhlöðuverkfærin frá Metabo sem Fossberg kynnir á sýningunni – til dæmis borvélar, höggvélar, skrúfvélar, brotvélar og slípirokkar – eru knúin hinni nýju LiHD®-rafhlöðu frá Metabo. Hún endist 87% lengur en hefðbundnar rafhlöður í rafmagnsverkfærum og veitir auk þess 67% meiri kraft í hverri aðgerð því hún hún hefur til að bera stærri leiðnibrautir sem þola meiri rafstraum.

Metabo er stytting á heiti fyrstu borvélarinnar sem Albrecht Schnizler bjó til í bakherbergi í bakaríi foreldra sinna og kallaði Metalbohrdreher sem þýðir bókstaflega „járnbors„snúari““.

Sem fyrr segir hefur Metabo ávallt verið leiðandi í tækninýjungum á þessu sviði, ekki síst í þróun rafhlöðutækni. En Metabo er ekki síður brautryðjandi í hönnun og fyrirtækið hefur hlotið margs konar verðlaun fyrir framúrskarandi hönnun á rafmagnstækjum sínum. Gott dæmi um þetta er smellupatrónan á tækjum í PowerMaxx-línunni sem eru smágerðar en afar öflugar borvélar. Hægt er að smella patrónunni af með einu handtaki sem kemur sér vel þegar unnið er í mjög þröngu rými. 1/4″ bitafesting er í öxlinum þegar patrónan er tekin af.

Ástæða er til að hvetja notendur handverkfæra til að kynna sér úrvalið og nýjungarnar frá Metabo á svæði Fossbergs á sýningunni Verk og vit, sem eins og fyrr segir er haldin í Laugardalshöllinni dagana 3.–6. mars – frá fimmtudegi til sunnudags.