Alhliða skiltagerð og mikið úrval af auglýsingavörum
Marko-Merki ehf. er alhliða skiltagerð sem er einnig með auglýsingavörur. Fyrirtækið var stofnað 9. október 1982 af hjónunum Soffíu Hjördísi Guðjónsdóttur og Pétri H. Hansen og hefur verið í eigu þeirra hjóna frá upphafi. Fyrirtækið kappkostar að bjóða mikið úrval af auglýsingavörum, verðlaunagripum og alls konar úti- og inniskiltum ásamt krossaskiltum á leiði og merkingum. Auk þess merkir Marko-Merki hús að utan og sker í ál, stál og fleira. Á heimasíðu fyrirtækisins www.marko.is má skoða það mikla úrval sem fyrirtækið hefur upp á að bjóða.
„Við leggjum upp úr miklu úrvali og góðri þjónustu, lágu verði, og höfum gæðin í fyrirrúmi,“ segir Pétur. „Við bíðum ekki með það til morguns sem við getum gert í dag. Úrvalið hjá okkur er heldur ekki af skornum skammti. Við prentum til dæmis á íþróttaföt, vinnuföt og annan fatnað. Einnig búum við til innifána (borðfána) og útifána ásamt alls konar gjafavöru, pinmerkjum, blöðrum og smádóti,“ segir hann. „Í hartnær tuttugu ár höfum við boðið upp á sandblástursfilmur í glugga, sem hafa notið mikilla vinsælda. Einnig sérmerkjum við persónulegar afmælis- og jólagjafir. Einnig erum við með mikið af verðlaunagripum í versluninni okkar,“ bætir hann við.
„Við erum að byrja að bjóða upp á skiltakerfi í stigaganga og fyrirtæki, en þetta er viðbót sem fyrirtækið hefur ekki verið með áður,“ segir Pétur. Marko-Merki er staðsett að Flatahrauni 31 í Hafnarfirði, rétt við Kaplakrikavöllinn. Opið er alla virka daga frá kl. 10.00 til 17.00.
Marko-Merki ehf I Flatahrauni 31, 220 Hafnarfirði I 565 1999 I www.marko.is
