Ilmvatn.net er vefverslun sem leggur áherslu á að bjóða viðskiptavinum sínum upp á gott úrval af ilmvötnum og rakspírum. Í vefversluninni eru yfir 5.000 vörunúmer og þar er hægt að finna margar tegundir sem hafa verið ófáanlegar í íslenskum verslunum í mörg ár, eins og til dæmis Boucheron og Joop. Einnig er gott úrval af nýjum ilmum sem og ilmvötnum frá vinsælum stjörnum eins Britney Spears, Beyoncé og David Beckham. Sævar Davíðsson eigandi vefverslunarinnar opnaði verslunina árið 2009 og hefur gengið mjög vel. „Við erum með mjög tryggan kúnnahóp sem hefur verið lengi hjá okkur,“ segir Sævar.
„Við bjóðum upp á vörur sem annars vegar hafa ekki verið til á Íslandi í mörg ár, ef ekki tugi ára, og einnig vörur sem hafa aldrei verið á íslenskum markaði,“ segir Sævar. „Fólk er því að finna margt hjá okkur sem hefur ekki sést í hillunum hjá íslenskum verslunum í mörg ár,“ bætir hann við. „Við höldum engan lager en við erum í samstarfi við stóran birgja í Bandaríkjunum sem við pöntum vörur hjá tvisvar í viku,“ segir Sævar. „Það tekur vöruna allt frá sjö til tíu daga að berast til kaupanda eftir að viðkomandi vara hefur verið pöntuð,“ bætir hann við.
„Við gerum allt til að halda verðinu eins lágu og hægt er og því er lítil álagning á vörunum hjá okkur,“ segir Sævar. „Núna erum við með 10% afslátt af öllum vörunum hjá okkur sem eru ekki nú þegar á tilboði. Þessi afsláttur gildir til 7. febrúar og er hugsað sem Valentínusartilboð þar sem það styttist óðfluga í daginn,“ segir Sævar. Til að nýta afsláttinn þurfa viðskiptavinir að nota afsláttarkóðann „14feb“ þegar verslað er á vefsíðunni www.ilmvatn.net. „Ef viðskiptavinir vilja gefa gjafabréf er það hægt að kaupa slíkt í gegnum Facebook-síðuna hjá okkur,“ segir hann.
„Við erum aðallega með ilmvötn og rakspíra en við erum einnig með brúnkusprey sem heitir Million Dollar Tan sem hefur verið gríðarlega vinsælt hjá okkur,“ segir Sævar. „Það inniheldur engin aukaefni; aðeins náttúruleg efni,“ bætir hann við. Að lokum hvetur Sævar fólk til að skoða heimasíðuna og Facebook-síðu fyrirtækisins til að kynna sér vörurnar sem ilmvatn.net býður upp á.
